Shillong, Iaiong 15: Ka Khasi Students’ Union (KSU) ryngkat bad ka Seng Samla Shnong Laitumkhrah, kila iohbat ia uwei u Pharmacist na Assam hadien ka jingkynnoh jrong kti ia kawei ka longkmie kaba dang leit thied dawai na Pharmacy.
Une u Pharmacist u kyrteng u Bulu Malakar bad ia une u briew la aiti noh sha ki briew ka ain.
“Kane ka jingjia kala jia ha ka por ba katei ka longkmie ka la leit sha Pharmacy ban thied dawai dashin bad la kynnoh ba une u briew da kaba riehtngen ha kaban khmih bniah ia ka Blood Pressure ula tan shapoh ia kane ka longkmie bad thmu ban thombor ia ka” pynpaw ka KSU ha ka kyrwoh khubor.
Kane ka longkmie kala ioh phet bad kala leit ban pyntip ia katei ka jingjia sha ki dkhot jong ka KSU Laitumkhrah Unit ha kaba ryngkat lang bad ki dkhot ka Seng Samla Shnong Laitumkhrah hapoh ka jingialam u Secretary ka New Colony, kila ujor ia ka ejahar hapoh Laitumkhrah Police Station.
Ka KSU bad ki nongshong shnong kila khang noh ia katei ka Pharmacy bad kila dawa ba dei ban pynshitom da kaba tyngeh ia une u nongleh kam sniew.
“Ngi pynrem jur ia kane ka jingleh ia ka ka kam bymman bad dawa na ki bor kiba dei khmih ba kidei ban shim mardor ia ki sienjam pyrshah ia une u nongleh kam sniew” ong ha ka kyrwoh.
 ryngkat bad ka Seng Samla Shnong Laitumkhrah, kila iohbat ia uwei u Pharmacist na Assam hadien ka jingkynnoh jrong kti ia kawei ka longkmie kaba dang leit thied dawai na Pharmacy.){kind=link}