Shillong, Iaiong 7 : U Executive Member (EM) ka Khasi Hills Autonomous District Council bad MDC ka Mawthadraishan Bah Powell Sohkhlet ula pynpaw ia ka jingsngewkhia halor ka jinglait thylli haduh 677 tylli ki kam nonghikai ha ki skul Lower Primary ka Sorkar, kynthup ia 29 tylli ha Eastern West Khasi Hills District.
“Mano ban buria ia kane ka jingduna? Kumno arngut ki nonghikai kin ai jinghikai ia 120 ngut ki khynnah?” buh jingkylli u Bah Powell haba pynpaw ia ka jingktah ia ka lawei jong ki khynnah skul.
Ula kyrpad ia ka Sorkar Jylla ban thungkam noh mardor ha kine ki kam ba lait da kaba ong “Kiba bun kila pass ia ka Meghalaya Teachers Eligibility Test (MTET) bad Dl.Ed. Balei ba pynslem ia ka jingthungkam”.
U Bah Powell ula ai nuksa ia ka skul Lower Primary ka Sorkar ha Eastern West Khasi Hills kaba don tang iwei I nonghikai, kaba la hap khang ia palat lai taiew hadien ka jingpynkynriah kam noh ia i nonghikai.
Ula ai jingmut ban pynbeit ryntih ia ka jingbuh nonghikai bad ong “Ki don ki skul ba don tang 10 ngut ki khynnah bad arngut ki nonghikai katba kiwei kiba don palat 100 ngut ki khynnah ki don hi tang arngut ki nonghikai. Ka Tnad Pule Puthi ka dei ban pyniasoh lang ia ki nonghikai na ki skul ba duna khynnah bad kito kiba bun khynnah, ban pynthikna ia ka pule puthi kaba biang ia baroh”.
U Bah Powell ula ban jur “Ki khynnah skul jong ngi ki don hok ban ioh ia kaba bha tam. Nga kyrpad ia ka Sorkar ban leh eiei noh mardor ha kaban pynbeit ia kane ka kam”.
 ka Khasi Hills Autonomous District Council bad MDC ka Mawthadraishan Bah Powell Sohkhlet ula pynpaw ia ka jingsngewkhia halor ka jinglait thylli haduh 677 tylli ki kam nonghikai ha ki skul Lower Primary ka Sorkar, kynthup ia 29 tylli ha Eastern West Khasi Hills District.){kind=link}