Shillong, Iaiong 2: Ka iingkashari hynne ka sngi Palei, kala aibor ia ki pulit ban set bad tohkit (Police Custody) 8 sngi ia u Kenedy Khongsit, uba la shah kynnoh ba donkti ban pyniap ia u heprit 7 snem, Kyrshanbor Kharmudai, ha Lum Myrboh, Nongrah.
U Kenedy uba la don 32 snem ka rta, ula shah ialam sha iingkashari hadien ba ula shah kem ha ka sngi Balang na ka iingsah ka jongu kaba don ha Lum Myrboh.
U Kenedy, udei u paramarjan jong utei u heprit uba la shah pyniap, ula shah kem hadien ka jingioh sabut ki pulit jongka Special Investigation Team (SIT) kaba la thaw hapoh ka jingpyniaid jongu SP ka East Khasi Hills u Bah Vivek Syiem.
Une uba la shah kynnoh ula phla ia ka jingpyniap ia u heprit namar ka jingbitar kaba la jia ha ka 8 tarik u Risaw 2025, haba une u heprit ym shim la kohnguh ia ka jingbthah ka jongu.
Ki pulit kila ong, ba u Kenedy hadien ba ula dep pyniap ia u heprit ula leit bret ia ka metiap ha ka khlaw kaba don ha Mawpat da kaba pyndonkam ia ka thuk-thuk ne Scooty Yamaha R-Z kaba lieh.
 8 sngi ia u Kenedy Khongsit, uba la shah kynnoh ba donkti ban pyniap ia u heprit 7 snem, Kyrshanbor Kharmudai, ha Lum Myrboh, Nongrah.){kind=link}