Shillong, Iaiong1: Ka Meghalaya Football Association (MFA) kala pynbna ba ka lympung Meghalaya State League (MSL – 5), kan sdang naduh ka 11 tarik mynta u bnai iaiong 2026.
Ha kane ka samoi ialehkai, yn don baroh 33 tylli ki kynhun kiban iakhun naka bynta ban rah ia ka nam kum ki lahduh ia kaba la phiah pat ia ki, ha ki phra tylli ki thup ne group. Ia kane ka lympung la iarap ban kyrshan pisa daka tnat Directorate of Sports and Youth Affairs ka sorkar jylla.
Dei ha kane ka lympung ba ki lahduh na ki synjuk ialehkai phutbol ba la pyniasnoh bad ka MFA, ki iakhun naka bynta ban ioh ban phong ia ka pansngiat lahduh jong ka jylla, bad kaba plie lad ruh ia ki ban bteng ban phrang shuh shuh shakhmat ia ka lynti ialehkai ka jong ki ha ki lympung bah ialehkai Phutbol ka ri ba pynlong da ka AIFF.
Mynta ka snem lei lei ka MSL kan kham long kaba kham kyrpang hadien ba ka MFA ka don hapdeng ka jingrakhe ia ka jingdap ba 50 snem ka jingseng ia ka.
Ka jingialehkai sdang ha kane ka lympung kan long ha SSA Stadium, First Ground, Polo, kaba dei artad ka madan kaban pynlong ia ki jingiakhun ba dei jong ka Group A ba don lang ki kynhun ialehkai kum ka Nongkseh SSCC (Shillong SA), Mawshun SCC (Riwar Mihngi Football Association), Khimusniang SC (West Jaintia District SA) bad Umkaber SCC (Tyrsad Area SA).
Ki team ne kynhun ba don ha ka Group B ban long ha madan MFA Turf Third Ground Polo ki long Nangkiew Irat SC (Shillong SA), Mulang SC Nongbah (West Jaintia DSA), Mawlum Tyrsad SCC (Tyrsad Area SA) and Mawphu SC (Sohra SA).
Ka Group C kan long ha Amlarem bad ki team kiba la pyniakap ha kane ka thup ki long ka Amlarem SC, Lamin XI SCC (Amlarem Sub-Division SA) bad Laskein SCCC (Laskein Block SA).
Katba ka Khliehriat kan ioh ba kan pynlong ia ki jingiakhun ka Group D bad ki kynhun ban iakhun ki long Ladthadlaboh SC (West Jaintia DSA) bad Rymbai Shkenshynriah SC (East Jaintia DFA) nangta ka Thangskai Tiger SC (East Jaintia DFA) bad ka Jalaphet Moochut Pyrdung SC (Saipung Block SA).
Ka Group E la buh ban pynlong ha Wahiajer bad ki team ne kynhun ba don ha kane ka group ki long Shillong Lajong (Shillong SA), Lumphyrnai Lumsohphoh FC (Thadlaskein SA), Iatyllilang Lumsehkot SCC (Laskein Block SA) bad Lamyrsiang SCC (Saipung Block SA).
Ka Group F kan long ha Mairang bad ki team ban iakhun ki long Langsning FC (Shillong SA), Mission SCC (Pyndengumiong DSA), Umlakro FC (Western Ri-Bhoi DSA) bad Lawbah SC (Eastern Border SA).
Group G kan don san tylli ki team bad ba la buh ban pynlong ha Williamnagar bad ki team ki long A’chik SCO (East Garo Hills DSA), Atong Matgrik FC (South Garo Hills DSA), Maram FC (Tura DFA), Balmanduri FC (North Garo Hills DSA) bad Janepih Youth SCA (Mawshynrut SA).
 kala pynbna ba ka lympung Meghalaya State League (MSL - 5), kan sdang naduh ka 11 tarik mynta u bnai iaiong 2026.){kind=link}