Shillong, Lber 31 : Ka Liang Pyrshah ha Khasi Hills Autonomous District Counci (KHADC) kala pdiang ia ka rai jong ka Executive Committee(EC) ban thung ia ka Special Committee ka ban khmih ia ka jingtyrwa pynkylla ia ka AD Rules.
U Nongialam ka Liang Pyrshah ha KHADC Bah Titosstarwell Chyne ula pynpaw ia ka jingkyrmen ba kane ka sienjam kan pyniaid sted ia ki kam.
Hadien ka jingiakynduh bad u Chief Executive Member (CEM) Winston Tony Lyngdoh ha ka sngi Ba-ar, u Bah Titos ula iathuh ba u CEM ula ai ka jingkular ba kane ka Special Committee kan kynthup ia ki dkhot na ka Liang Pyrshah, ki Ophisar bad ki Executive Member.
Ia kane ka Committee la khmih lynti ban thung ha ka taiew ban wan bad kan iakren halor ka jingpynkylla ia ka Rule 128 bad kiwei ki bynta ba kongsan jong ka AD Rules.
“Kin sa thung ia kane ka Special Committee hapoh ka taiew ban wan bad kane ka Committee kan shong bad iasyllok bniah halor ka jingpynkylla ia ka AD Rules ba iadei bad ka Rule 128 bad kiwei ki bynta ba kongsan kiba donkam ban hap pynkylla kham kloi kat kaba lah” ong u Bah Titos.
U Bah Titos ula pynpaw ia ka jingkyrmen ba ka jingthung kloi ia ka Special Committee kan lam sha ka jinglah pynkylla hapoh ka por ba dei ia ka AD Rules.
 kala pdiang ia ka rai jong ka Executive Committee(EC) ban thung ia ka Special Committee ka ban khmih ia ka jingtyrwa pynkylla ia ka AD Rules.){kind=link}