Shillong, Lber 25 : Ka kynhun Anti-Narcotics Task Force (ANTF) bad Pulit Special Operation Team (SOT), kila pynlong ia ka jingkhynra kaba jur ha ka sngi Balang ha ka thain Iewduh, bad ioh kurup ia palat 85 kilo u ganja lem bad ka kyaid be-ain.
Kane ka jingkhynra kala sdang naduh ka por 10:30 baje mynstep haduh ka por 5 baje janmiet. Ka ANTF bad ki SOT ba ialam da u DySP Simsang Sangma, kila pynlong ia kane ka jingkhynra ha ki thain Stand Jeep hadien ka jingioh jingtip ia ka jingdon ki briew kiba die beain ia ki jingdih pynbuaid.
U ganja bala ioh kurup ha kane ka jingkhynra ula kot sha ka 85.945 kilo bad ka kyiad ka don haduh 1200 liter kynthup ka kyiad phareng kumba 10 case. Ia ka kyiad lah theh lut sha nala.
Shuwa ba ka kynhun kan poi ha kane ka jaka, kiba bun ki briew ba die ia kine ki mar beain kila ioh phetkrad bad ieh shadien ia ki jingdih bad ka ANTF kala ioh ban bat tang ia uwei u briew.
Ia une u briew la aiti noh sha Lumdiengjri Police Station ban register case kat kum ki kyndon ain.
 bad Pulit Special Operation Team (SOT), kila pynlong ia ka jingkhynra kaba jur ha ka sngi Balang ha ka thain Iewduh, bad ioh kurup ia palat 85 kilo u ganja lem bad ka kyaid be-ain.){kind=link}