Shillong, Lber 20: U Symbud Myntri Rangbah ka Jylla Bah Prestone Tynsong u la ong ba ka Meghalaya kan pynlong ïa ki jaka khappud kiba shongsuk bad kiba shngain ha ka por elekshon jong ka Assam, haba bthah ïa ki Deputy Commissioner ban ïatreilang bad ki bor district ka Jylla ha kylleng u pud u sam jong ka jylla.
“Ka jingpahara kan long long kaba biang. Ngin pynthikna ba ki briew jong ka jylla jong ngi kin long kiba shngain, kin suk bad ka jingshngain kan don beit”, ong u bah Tynsong haba iakren bad ki nongthoh khubor ha ka sngi Thohdieng.
U la ong ba ka jylla “ka la dep bthah ïa baroh ki deputy commissioner ba kin ïakynduh bad ki paralok jong ki ha baroh ki district khamtam ha ki thaiñ khappud.”
