Shillong, Lber 19 : Ka Meghalaya Pradesh Congress Committee (MPCC) kala pyntip ba kan iai buddien ia ka mukotduma bala tynjuh ha Iingkashari Meghalaya High Court pyrshah ia ki 4 ngut ki MLA kiba leit iasoh sha ka National People’s Party (NPP) tad haduh ban da rai ia kane ka kam kat kum ka jinglong jingman ka kam, da ka jingthmu ban pynlong kum ka nuksa ba “ia ka rai u paidbah” ym dei ban pynlong kam kai ha ka mon ki riewsain pyrthei.
“Ngin ym shim sting ia kum kine ki kam” ong u Secretary ka MPCC Bah Manuel Badwar haba iakren bad ki nongthoh khubor ha ka sngi Palei, haba batai ia ka writ petition bala mudui sha Iingkashari hadien ba u Lamphang ka Iingdorbar Thaw Ain Thomas A Sangma, ula kyntait arsien ia ka jingkyrpad ban mait kyrteng ia ka jinglong MLA kine ki 4 ngut.
Kine ki 4 ngut ki MLA ki kynthup ia u Bah Charles Marngar (Mawhati), Gabriel Wahlang (Nongstoin), Celestine Lyngdoh (Umsning) bad Ronnie V. Lyngdoh (Mylliem), kiba la leit pyniasoh sha ka NPP. U Bah Ronnie ula rung sha ka NPP ha ka 30 tarik Naitung 2025 katba ki laingut kiwei pat kila leit rung ha ka 19 tarik Nailar 2024.
U Lamphang ka Iingdorbar ula ai ka jingithuh ia ka jingleit iasoh kine ki 4 ngut ki MLA sha ka NPP.
U Bah Badwar ula iathuh ba ia ka mudui la kyntait namar u Lamphang u shim ba tang ki MLA kiba lah ban mudui – “hynrei kat kum ka hukum ka Iingkashari Supreme Court, mano mano kiba don ka jingsngewtynnad ha ka party ki lah ban leh ia kane”.
Ia ka mudui ba nyngkong la ujor da u Bah Ronnie V Lyngdoh hynrei ula weng noh hadien ba ula leit iasoh sha ka NPP.
Hadien kane, la mudui biang sa shisien sha ka Ophis u Lamphang ka Iingdorbar ha u bnai Nailar 2025 da u Bah Badwar.
Ha ka mudui ba thymmai, u Bah Badwar ula ong, sa shisien la kyntait halor ki nongrim kibym sngew iahap satia, kaba pynbor ban leit mudui sha Iingkashari High Court ka ban sa shong bishar ha ka sien kaba san.
Ka Iingkashari, ha ka 25 tarik Rymphang 2026, kala ailad ban shim ia ka jingshakri ba shimet bad buh ia kane ka kam ban nang bishar shuh shuh.
 kala pyntip ba kan iai buddien ia ka mukotduma bala tynjuh ha Iingkashari Meghalaya High Court pyrshah ia ki 4 ngut ki MLA kiba leit iasoh sha ka National People’s Party (NPP) tad haduh ban da rai ia kane ka kam kat kum ka jinglong jingman ka kam, da ka jingthmu ban pynlong kum ka nuksa ba “ia ka rai u paidbah” ym dei ban pynlong kam kai ha ka mon ki riewsain pyrthei.){kind=link}