Shillong, Lber 18 : U Lat ka Jylla CH Vijayashankar ha ka sngi Balang, ula ai jingmynjur ia ka thup kyrteng jong ki Executive Member ka Executive Committee ba ialam da u Dhormonath Ch Sangma hapoh ka Garo Hills Autonomous District Council (GHADC).
“…..halor ka jingai jingmut jong u Chief Executive Member ka GHADC, u Lat ka Jylla u sngewbha ban thung ia kine ki dkhot harum kum ki Executive Member jong ka Council” ong ka jingpynbna bala pynmih da u Commissioner & Secretary ba khmih ia ka tnad District Council Affairs (DCA) Bah CVD Diengdoh.
U Stevie M Marak ula shah thung kum u Deputy Chief Executive Member (DyCEM) ba thymmai.
Ki khyndai ngut kiwei pat ki EM ki kynthup ia u Sengbath R. Marak, Cherak W. Momin, Arbinstone B. Marak, Crozier G. Momin, Henen R. Sangma, Alphonsush R. Marak, Grahambell A. Sangma, Ashahel D. Shira bad Nehru D. Sangma.
Ka khubor ka iathuh ba u CEM un sa sam shem ia ka bhah kam sha baroh ki EM ba thymmai.
.){kind=link}