Shillong, Lber 17 : Hynniew ngut ki nongtrei bhalang ka ri-lum Garo, kila kyrpad ia u Lat ka Jylla CH Vijayashankar ba un tuklar lem ha kaban pynkhlain ia ki jingiada kat kum ka riti synshar na ka bynta ka Garo Hills Autonomous District Council (GHADC), haba tyrwa ba shah tang ki Scheduled Tribe Garo ban iakhun ia ka elekshon ka Council bad ban bishar thymmai ia ka electoral roll bad land rules ban lah pyniaid hi da ki trai riewlum.
Kane ka kynhun ka kynthup ia u Greneth M Sangma, Shiva Sangma, Flaming Marak, Emanuel Ch Marak, Cherian Momin, Browny M Marak bad Nilbert Ch Marak, kiba la aiti da ka dorkhas ha u Lat ka Jylla.
Kine ki nongtrei bhalang kila pynksan ba ka jingiashimbynta ki bar jylla ha ka elekshon, ka jingpynrung kyrteng ia ki ha ka electoral roll bad ka jingkurup iaki jaka ki riewlum lyngba ka jingai pateng ia ki pata, ka buh jingma ia ki kyndon ka Sixth Schedule.
“Ia kane ka dorkhas la aiti ban phah tuklar lem ha u Lat ha kaban iada ia ka hok bala pynkupbor sha ki paid riewlum trai ri ka ri-lum Garo hapoh ka Article 244(2) bad ka Sixth Schedule” kila thoh.
Kila kdew ia ka mukotduma Samatha v. Andhra Pradesh (1997) bad ka Orissa Mining Corporation (2013) ba ong ba ia ki jaka ki riewlum bad ka hok ha ka synshar khadar dei ban ai jingiada na ka jingshah knieh noh.
, haba tyrwa ba shah tang ki Scheduled Tribe Garo ban iakhun ia ka elekshon ka Council bad ban bishar thymmai ia ka electoral roll bad land rules ban lah pyniaid hi da ki trai riewlum.){kind=link}