Guwahati, Lber 16: Ha ka sienjam kaba kongsan na ka bynta ban pynkhlaiñ ïa ka jingsuk hapoh ka jylla, ka Sorkar Assam ha ka 15 tarik u Lber, ka la ïasoi ïa ki soskular ban iakren iasuk (MoS) bad katto katne ki kynhun kiengatiar jong ki Kuki bad ka Hmar Peoples’ Convention (Democratic), Assam Region, kaba la wanrah ïa ki sha ka rukom synshar paidbah.
Ïa kine ki jingiateh, la iasoi hapdeng ka sorkar jylla bad ka United Kuki Democratic Army (UKDA), Kuki Revolutionary Army (KRA), Kuki Liberation Organisation bad Kuki Liberation Army (KLO/KLA), ha ryngkat bad ka Hmar Peoples Convention (Democratic).
U Myntri Rangbah ka Jylla Himanta Biswa Sarma u la batai ïa kane kum u mawjam kaba kongsan ha ka jingïasuk kaba dang ïaid shakhmat jong ka Assam, kaba thmu ban pynkut noh da ki phew snem jong ki kam lehnoh bad ban kyntiew ïa ka roi ka par kaba kynthup lang ïa baroh.
Kum shi bynta ban pynbeit, ka sorkar jylla kan thaw ia ka Kuki Welfare and Development Council bad ka Hmar Welfare and Development Council ban kyrshan ia ka jingkiew ha ka imlang sahlang, ka kolshor bad ka pule puthi jong ki ar jaitbynriew.
Ki jingiateh ki kynthup ruh ia ki kyndon ba kito kiba ha iing jong kito ki lehnoh kiba la duh noh ia la ka jong ka jingim ha ka jingialeh kin ioh ia ka jingiarap pisa na ka sorkar.
Ki heh ophisar sorkar ki la ong ba ki jingiateh kular la khmih lynti ba kin pynsuk ia ka jingaiti ia ki tiar ialeh, ban pynrung biang ia ki lehnoh barim ha ka imlang sahlang, bad ban pynsted ia ki jingthmu pynroi ha ki jaka ba shong ki sah da ki jaidbynriew Kuki bad Hmar ha Assam.
Ka sorkar jylla ka la ong ba ka jingiateh ki pynskhem biang ia ka jingangnud jong ka na ka bynta ka jingsuk bad ka jingroi kaba kynthup lang, katba ka pynkhlain ia ka jingiashim bynta ha ka synshar paidbah hapdeng ki kynhun lehnoh barim.
 bad katto katne ki kynhun kiengatiar jong ki Kuki bad ka Hmar Peoples’ Convention (Democratic), Assam Region, kaba la wanrah ïa ki sha ka rukom synshar paidbah.){kind=link}