Agartala, Lber 14: Hapdeng ka jingiapynkhreh iaka ilekshon shaka Tripura Tribal Areas Autonomous District Council (TTAADC), u nongialam ba Rangbah ka TIPRA Motha Pradyot Kishore Debbarma ula ong baka Party kala long kaba la pynkhreh ban iakhun marwei hadien ba u Myntri Rangbah ka Jylla Tripura u Manik Saha ula pynbna baka Bharatiya Janata Party (BJP) kan iakhun ha baroh 28 tylli ki Seat.
Haba kren shaki lad pathai khubor hadien ka jingialang ba Khumulwng ka nongbah jong ka TTAADC, u Debbarma ula ong ba um don jingthmu ban iakhun pyrshah iaka BJP hynrei ka Party jong u kam banse ban iakhun hadien ka jingia kynthoh na u Myntri Rangbah.
“Ngam iakhun pyrshah iano iano ruh hynrei mynta u Myntri Rangbah ula pynbna baka BJP kan iakhun na baroh 28 tylli ki Seat. Lada kane ka jingpynbna u Myntri Rangbah kadei ne em ba u kop iaka Party jong nga hynrei ngin iakhun beit kumba ju leh kiwei ki Party” ula ong.
U heh ka TIPRA Motha ula ong mynshwa u shaniah haki nongialam na New Delhi ban don ka jingiateh lok. Hynrei ki nongialam napoh ka Jylla ki thmu da kum wei pat.
“Nga dang mut ki nongialam na Delhi ki kwah ban don ka jingiateh lok namar ia kane ka juh ka khubor ka kren ha nga. Hynrei lada u Myntri Rangbah um don jingthmu kumta, kamut nga ruh ngan iakhun naka bynta ka Party” ula ong.
U Debbarma ula ong baka BJP hapoh ka Jylla ka kylliang iaka rai, namar kata ka Party hapoh ka Jylla kadei ban pynshai hala ki nongtrei bad nongkitkam.
“Lada ka Party ka kylla ktien kadei ban pynshai balei ka rai ban iakhun na baroh 28 tylli ki Seat” ula ong.
Haba jubab halor ka jingshah kynthoh na ka Communist Party of India (Marxist) (CPM), u Debbarma u la ong ba um ngeit ba ka party ka dei hok ban ïoh ïa ka jingkyrshan naki paidbah, da kaba bynrap ba ha kaba kut ki paidbah kin bishar ïa ki seng saiñpyrthei katkum ka jingtrei bad ka jingshimkhia jong ki.
U Debbarma u la ban biang ba ka thong ba kongsan jong ka TIPRA Motha ka dang sah ha ka jingïada ïa ka hok bad ka jinglong kyrpang jong ki jaidbynriew riewlum ha Tripura.
U la ong ba ka Party ka dang iai bteng ban pyntynruh ia ki mat kum ka hok halor ka khyndew ka shyiap, ka jingsynshar hi kaba kham heh ia ki jaka riewlum, ka jingai pisa beit beit sha ka konsil, bad ka jingithuh ia ka ktien bad ka jinglong trai ri trai muluk.
Watla u kam ba katto katne ngut ki nongïalam hapoh ka BJP ki sngewthuh ïa ki jingeh jong ki jaidbynriew trai ri trai muluk, u la kynnoh ba “katto katne ngut ki riew shimet” ki pynmih ïa ka jingïabymsngewthuh hapdeng ki paralok ba ïatreilang.
Ka ilekshon TTAADC, kaba la khmih lynti ba kan long hapoh ki hynriew taiew ban wan, la ïohi ba ka dei ka jingïakhun saiñ hima sima kaba kongsan ha ka thaiñ Tripura.
, u nongialam ba Rangbah ka TIPRA Motha Pradyot Kishore Debbarma ula ong baka Party kala long kaba la pynkhreh ban iakhun marwei hadien ba u Myntri Rangbah ka Jylla Tripura u Manik Saha ula pynbna baka Bharatiya Janata Party (BJP) kan iakhun ha baroh 28 tylli ki Seat.){kind=link}