Shillong, Lber 13 : Ki Heh Pulit (bym kwah pynpaw kyrteng) kila kynnoh ba uwei napdeng ki hynriew ngut ki runar kiba shah kem halor ka jingdonkti ban kyndang ia ki kor ATM bad lute pisa ba jan kot T. 1 klur ha East Khasi Hills, u dei u Pulit Special Operation Team (SOT) ba la shah beh kam bad u Kynum jong u MLA ka Mawlai.
Une u Pulit SOT bala kylla long runar u dei u Joyous Dura (47 snem), uba la shah kem ha ki Pulit na ka Iingsah na Mawlai Nongkwar myn ha ka miet 10 tarik Lber, 2026.
Ki Pulit kila register lai tylli ki case pyrshah ia kane ka kynhun kynthup ia u Joyous ba kynthup ia artylli ki case ha Mawngap Police Station ba kyndang ia ka ATM ha Mylliem bad ha Mawkriah lem bad ha Madanrting Police Station ba kyndang ia ka ATM ha Smit.
Ka ATM ha Mawkriah kala shah kyndang ha ka 21 tarik Jymmang 2025 bad kane ka kynhun ki runar kala ioh rong tuh haduh T.28.13 lak, ka ATM ha Smit ha ka 30 tarik Nohprah 2025 bad ioh rong tuh T. 35.57 lak lem bad ka ATM ha Mylliem ha ka 8 tarik Rymphang 2025 ba ioh rong tuh T.35 lak.
U Superintendent of Police ka East Khasi Hills Bah Vivek Syiem ula pyntip ba u Joyous bad u John F Lyngkhoi, uwei pat uba shah kem lang ha kane ka juh ka kam tuh, ki dei kiba la donkti teng ha ki kam khaii droks bad pyniap briew nalor kiwei ki kam bymman.
U John F Lyngkhoi u dei uba la shah kem teng ha ki Pulit halor ka jingdonkti ban pyniap ia uwei u samla ha kine ki khyndiat snem bala leit, ha Mawlai Mawtawar.
Haba kylli ia ka jingdon jingiadei u Joyous bad u MLA ka Mawlai, u Bah Vivek ula ong “Ngam tip ia kata. Iano ba ki don jingiadei kane kam dei shibynta na ki kyndon jong ka jingtohki.
 kila kynnoh ba uwei napdeng ki hynriew ngut ki runar kiba shah kem halor ka jingdonkti ban kyndang ia ki kor ATM bad lute pisa ba jan kot T. 1 klur ha East Khasi Hills, u dei u Pulit Special Operation Team (SOT) ba la shah beh kam bad u Kynum jong u MLA ka Mawlai.){kind=link}