Shillong, Lber 10: Ka Federation of Khasi Jaintia and Garo People (FKJGP) ha ka sngi Ba-ar, kala dawa ia ka Sorkar Meghalaya ba kan shim daki sienjam ba tyngeh katkum ki kyndon ain pyrshah ia u MLA barim ka Phulbari Esmatur Mominin, da kaba ong ba ka rai jong u ban thep kyrteng kum u kyrtong ha ka elekshon MDC sha Garo Hills Autonomous District Council ka la pynkhein ia ka rai jong ka GHADC bad wanrah ia ka jingiakulmar hapoh ka rilum Garo.
Haba kren sha ki lad pathai khubor u President ka FKJGP Bah Dundee Khongsit u la pynrem ia ka jingshah thang ka ophis treikam jong ka Garo Students’ Union (GSU) kaba don ha Chibanang, West Garo Hills bad u la pyniadei ia ka jing iaumsnam hapoh ka thaiñ bad ka jingleit thep kyrteng u Esmatur.
Lah ban kdew baka GHADC ka la pynmih daka Notification haka 17 tarik Rymphang ba tang kiba don syrnod Scheduled Tribe (ST) ki dei kiba lah ban iakhun haka elekshon GHADC.
“Ka jingleit thep kyrteng jong u Esmatur ka la nang theh petrol ia ka ding ” ong u Bah Dundee.
“Baroh ki pdiang ia ka Notification jong ka GHADC hynrei une u Esmatur u la jied ban iaid pyrshah ia ki jingsngew jong ki riewlum ka thain Garo Hills, kaba la pynjur shuh shuh iaka jingïakynad hapoh ka thaiñ” ula ong.
U Bah Dundee u la kynthoh ba ka jingailad ïa ki kyrtong ki bym dei ki trai ri trai muluk ka don jingma bad ka pynkheiñ ïa ka khyrnit ba hynriew bad u la maham ïa ki jingtieng kiba kham heh ha ka liang ka jingbun briew.
“Haba ngi shah rem ha ka saiñ hima sima ha Garo Hills bad ailad ïa ki briew shimet ki bym dei ki trai ri trai muluk ban long ki nongmihkhmat, kan pynthut ïa ka Jylla baroh kawei, ym tang ïa ka Garo Hills” u la ong.
U Bah Dundee u la kdew ia ki jingthoh (Banner) ba dang shen ha Tura kiba kdew ia ka ISIS bad ka jingwan buhai shnong beain daka ba jer iaki kum ka jingma ba khraw.
“Ka la dei ka por ba ki para jong ngi na Garo Hills kim dei ban shim sting ïa kane” ula ong.
U President ka FKJGP ula kyrpad ia ka jingiatylli jong ki jaitbynriew ha kylleng ki thain Khasi‐Jaintia bad Garo bad u la ong ba baroh ki sengsain pyrthei ki dei ban buh shadien ia ka jingpher Party hynrei kidei ban iada ia ka hok thep Vote ki trai riewlum.
U la ban jur ba ka Sorkar ka dei ban pynngat kyndon katkum ki kyndon ain ia kito kiba nang jur ka jingkulmar hapoh ka thaiñ.
“Lada um shym la leit ban thep kyrteng, nga tharai ba kine ki jait jingjia kin ym jia. U dei ma uba la pyrshang ban pyndonkam bakla ia ka jinglong jingman ha ka thain Garo Hills. Ia kine ki briew kiba donkti ban pynjur ia ka jinglong jingman dei ban shah pynngat katkum ki kyndon ain” u la ong.
******
 ha ka sngi Ba-ar, kala dawa ia ka Sorkar Meghalaya ba kan shim daki sienjam ba tyngeh katkum ki kyndon ain pyrshah ia u MLA barim ka Phulbari Esmatur Mominin, da kaba ong ba ka rai jong u ban thep kyrteng kum u kyrtong ha ka elekshon MDC sha Garo Hills Autonomous District Council ka la pynkhein ia ka rai jong ka GHADC bad wanrah ia ka jingiakulmar hapoh ka rilum Garo.){kind=link}