Shillong, Lber 10: Ka Khun Hynniewtrep National Awakening Movement (KHNAM) ha ka sngi Ba-ar, ka la dawa na ka Khasi Hills Autonomous District Council (KHADC) ba kan pynkylla ïa ka District Council Rule khnang ban khanglad ïa ki bar jylla ba kin ïakhun bad thep vote ha ka elekshon jong ka KHADC, haba maham ba ka jingpynslem ban pynkylla iaki kyndon kan lah ban wanrah ia ka kynrum kynram kumba long mynta ha rilum Garo.
Ha ka shithi sha u Chief Executive Member (CEM) ka KHADC Bah Winston Tony Lyngdoh, u working president ka KHNAM Bah Thomas Passah u la ong ba ka seng ka la dep pynpaw ia ka jingdonkam ban bishar bniah biang ia ki Rules 128 (1) bad 128 (3) jong ka 1951 Assam and Meghalaya Autonomous District Rules ha u bnai Iaiong 2025 bad u bnai Kyllalyngkot 2026 hynrei haduh mynta ka Executive Committee (EC) ba thymmai kam pat leh eiei.
“Ngi la kyrpad ia ki katto katne ki Executive Committee naduh u snem 2014, hynrei kaba sngewsih ka long ba baroh ki la shu sngap jar khlem da shim khia ia katei ka mat” ong u Bah Thomas.
U Bah Thomas u la kdew sha ka jingiathep kyrteng haka bynta ka elekshon GHADC kaba la khring ïa ki kyrtong bym dei ki Garo, da kaba pynshong nongrim ïa ka ha “ka jingbymlah jong ki MDC ban pynskhem ïa ki aiñ kiba kongsan.”
Ka KHNAM ka la aiti ruh ia ka draft amendment sha ka KHADC ka ban khanglad ia ki riewlum ki bym dei Khasi ban thep vote ne iakhun ia ka elekshon KHADC.
“Lehse ka jingjia ha Garo Hills kan pynlong ïa phi ban pyrkhat na ka bynta ka lawei,” bynrap ka KHNAM haba kyrpad ïa ka EC ban leh eiei bad ban pynthikna ban ioh ka jingmynjur na u Lat ka Jylla kham kloi kat kaba lah.
 ha ka sngi Ba-ar, ka la dawa na ka Khasi Hills Autonomous District Council (KHADC) ba kan pynkylla ïa ka District Council Rule khnang ban khanglad ïa ki bar jylla ba kin ïakhun bad thep vote ha ka elekshon jong ka KHADC, haba maham ba ka jingpynslem ban pynkylla iaki kyndon kan lah ban wanrah ia ka kynrum kynram kumba long mynta ha rilum Garo.){kind=link}