Shillong, Lber 10 : Ka Jaintia Students’ Union (JSU) ha ka sngi Ba-ar kala dawa ban behkrad mar dor ia ki nongbuhai shnong beain ha Lakroh, pyndap ia ki bym dei ki nongshongshnong na ka voter list bad pyntreikam kyrkieh ia ka Inner Line Permit hadien ba saw ngut ki trai shnong kila shah shoh ha Hawai Sutnga.
Ha ka kyrwoh, u Education Secretary ka JSU Bochery Mi Pohsnem ula iathuh ba ka kynhun ba leit jurip lang hapdeng ka Seng Kmie bad ka Syndai Unit sha Lakroh ha ka 9 tarik Lber kala lap ba haduh 95% ki bar jylla kiba don ia ka syrnot ban shna iing ba sah shipor, kila pynieng mynta da ki jingtei kiba shirta.
“Ia ka jingiai shah jong ngi lah pynlong tiar ialeh….ngim pdiang satia ban long ki phetwir hala ka jong ka Jylla” ula ong haba maham “lada ka Sorkar…kam lah iada ia ka jaka jong ngi, ngin pynsdang ia ka jingiakhih paidbah kaba heh bha ha baroh kawei ka Jylla”.
Ka seng kala buh ia hynniew tylli ki jingdawa ba kynthup ia ka jingkem mardor ia baroh ki nongthombor, pyniap noh ia ki NoC bad behkrad ia ki bym dei ki nongshongshnong ha Lakroh, pyndap ia ka EPIC/Aadhaar beain na ka electoral roll, khangdam ia ka mandir beain ba ialeh pyrshah ia ka hukum u Dalloi/SDO ha u snem 2024, pynduh ia ka jingai tuh ia ki Iing PMAY bad Job Card, pynjur ia ka talasi MRSSA bad pyntreikam ia ka ILP, bad pyndep noh ia ka jingker khappud kaba la sangeh naduh u snem 2025.
U Investigation Officer SI Rymbai jong ka Muktapur Outpost ula pyntip ia ka kynhun ka Seng ba ki don 4-5 ngut ki briew ba suba jur eh, ia kiba la dep ban ithuh bad kila thwet mynta ban kem ia ki.
“Tang ka jingithuh kam pat biang satia. Ngi dawa ia ki Pulit ban kem mardor ia baroh ki khawpud kiba donkti ha kane ka jingthombor bad pynthikna ba kin ioh ia ka jingpynsajia kaba eh tam. Ka Jylla ka dei ban pynthikna ia ka jingshngain ki traishnong. Ngin ym shongthait katba ym pat pynioh ia ka jingbishar bah ok” ong u samla Pohsnem.
U iathuh ba ha u 2024, ka JSU Syndai Unit kala iakren ia ka kam ba iadei bad ka jingtei khlem jingbit ia ka mandir ha Lakroh.
“U Dalloi bad u SDO ka Amlarem kila ai ia ka hukum kaba shai ban pynsangeh ia baroh ki jingtei. Hynrei haba ngi leit jurip ha ka 9 tarik Lber, ka jingtei kala dep. Kane ka dei ka jingniew kam kai ia ki bor Sorkar bad ka elaka. Ngi dawa ia u SDO ba un tuklar mar dor, khang ia kane ka jingtei beain bad leh da kaba tyngeh pyrshah ia kito kiba ialeh pyrshah ia ka ain”.
“Ngi dawa ruh ban thung ia ka jingtohkit high level bam ardor bad pynduh noh ia baroh ki job card ba la ai thok nalor ban pynsangeh ia ka jingai iing PMAY sha ki bym dei ki nongshongshnong” ula bynrap.
Haba thalain ia ka Sorkar ba kam lah ban iada ia ki shnong khappud, ka JSU kala ong “Ngi dawaban pyntreikam pyrrkhing bha ia ka Meghalaya Residents Safety and Security Act (MRSSA) ban beh krad ia ki suba mynder ri bad ngi pynkynmaw ia ka Sorkar ba ka jingpyntreikam ia ka ILP kam dei shuh tang ka jingdawa, ka dei ka jingdonkam kaba khraw na ka bynta ka jingim jong ngi”
 ha ka sngi Ba-ar kala dawa ban behkrad mar dor ia ki nongbuhai shnong beain ha Lakroh, pyndap ia ki bym dei ki nongshongshnong na ka voter list bad pyntreikam kyrkieh ia ka Inner Line Permit hadien ba saw ngut ki trai shnong kila shah shoh ha Hawai Sutnga.){kind=link}