Shillong, Lber 06 : Ka National People’s Party (NPP) kala pynlait sa ka kyrteng ki san ngut ki kyrtong ki ban aireng ha ka elekshon Garo Hills Autonomous District Council (GHADC), ban long la10 tarik Iaiong.
Ka State Election Committee jong ka Party kala pynlait ia ka thup ba-ar ha ka sngi Thohdieng, kaba pynthikna ia ki kyrtong na Silkigire, Rongrikimgre, Boldamgre, Raksamgre bad Naguapara constituencies.
Kat kum ka jingpynbna bala soi da u State President ka NPP Bah Prestone Tynsong, ki kyrtong ki kynthup ia u Jangseng R. Marak (Silkigire), Walbinath Ch Marak (Rongrikimgre), Stevie M. Marak (Boldamgre), Sengko D. Sangma (Raksamgre) bad Dormonat Ch Sangma (Naguapara).
