Lada duh ialeh elekshon ki kyrtong, lah ban mudui sha Iingkashari
Shillong, Lber 01 : U MDC barim bad MLA ka Phulbari SG Esmatur Mominin ula buh jingkylli ia ka jingshong ain ban pynlong kongsan ba ki kyrtong kin hap don ia ki syrnot Scheduled Tribe (ST) haba thep kyrteng ban iakhun ia ka elekshon jong ka Council.
U Mominon ula ong ba ka Sixth Schedule jong ka Riti Synshar ka Ri kala kren shai ia ka jingpynlong ia ki Autonomous District Council. Kat kum ka jingong jong u, ka District Council ka don 30 ngut ki dkhot-29 ngut ba jied da u paidbah bala kynjoh 18 snem (adult suffrage) bad uwei bat hung da u Lat ka Jylla.
U ong ba ka adult suffrage ka mut iakino kino ki nongthep votee bala kynjoh palat 18 snem, kiba lah ban iakhun ia ka elekshon bad thep vote. “Kam don kyndon satia ha ka Sixth Schedule ba buh kyrpang ia ki constituency lane pynlong kongsan ia ka syrnot ST ban iakhun elekshon” ula ong.
U Mominin ula bynrap ba kino kino ki jingpynkylla ki dei kiba lah ban leh tang da ka jingpynkylla ia ka Riti Synshar ka ri da ka Sorkar Pdeng ym da ka District Council. Ula kam ruh ba ka GHADC ka khlem shim ia ka jingbit u Lat ban wanrah ia kane ka kyndon.
Haba pynpaw ba ym pat kwah ban rah sha ki iingkasahri ia mynta, u Mominin ula ong ba lada don ki kyrtong kiba shah khang ban iakhun ia ka elekshon halor kane ka nongrim, ia kane ka kam lah ban phah sha ki bor ba dei khmih lane tynjuh ia ka ha Iingkashari.
Kane ka jingpynmih hukum ka GHADC kala mih ha u bnai Rymphang hashuwa ka elekshon sha ka Iingdorbar Thaw Ain jong ka Council.
 haba thep kyrteng ban iakhun ia ka elekshon jong ka Council.){kind=link}