Shillong, Rymphang 20: Ka Meghalaya Pradesh Congress Committee (MPCC) ka pynpaw ia ka jingsngewlem sha ki bahaiing hasem u MP ka Shillong Parliamentary Dr. Ricky AJ Syngkon, uba la khlad noh haka miet 19 tarik Rymphang.
U President ka MPCC u Bah Vincent H Pala ha ryngkat u MP ka Tura Saleng A Sangma, ki la leit sngewlem sha ka iing u Dr Ricky ban ai ka khubor sngewlem.
U Bah Pala u la ong, “Ka jingaiti jong u ha ka jingshakri paidbah, ka jinglong ba jaijai jong u, bad ka jingsngewkhia jong u na ka bynta ki riew paidbah kan dei ka ban sah jingkynmaw.”
Ki nongialam ka Congress ki la pynlong ia ka jingduwai na ka bynta ka mynsiem jong u Dr Ricky bad ki la pynpaw ruh ia ka jingsngewlem sha ka iing ka sem, haba duwai ba kin ioh ia ka bor bad ka jingpyntngen ha kane ka por kaba sngewsih.
Ka MPCC ka ai ka burom ia ka jingim bad jingshakri jong u Dr Ricky da kaba kdew ba ka Party ka iai kynmaw ia ki jingnoh synniang jong u sha ka imlang sahlang.
 ka pynpaw ia ka jingsngewlem sha ki bahaiing hasem u MP ka Shillong Parliamentary Dr. Ricky AJ Syngkon, uba la khlad noh haka miet 19 tarik Rymphang.){kind=link}