Shillong, Rymphang 13: Ka Hynniewtrep Integrated Territorial Organisation (HITO) ka la dawa ia u Chief Electoral Officer (CEO) Dr BDR Tiwari ban bishar bniah biang ia ka Electoral Roll ka Jylla Meghalaya haba dawa ban pyntreikam ia ki nongrim jong ka Memorandum of Settlement Accords na ka bynta ban ithuh bad ban weng ia ki myndei ri ba khlem ioh jingbit na ka Electoral Roll khnang ban iada ia ki trai ri trai muluk jong ka Jylla.
“Ka jingeh haba iadei bad ki nongthep vote ki bym dei nongshongshnong ka Ri India ha Meghalaya ka dei kaba hiar pateng na Assam, bad ka Sorkar India ka la dei ban pyntreikam ïa ki juh ki nongrim kumba la buh ha ka Memorandum of Settlement Accord,” ong u president ka HITO u Bah Donbok Dkhar ha ka dorkhas bala aiti sha u BDR Tiwari haba kdew ïa ka jinglong jingman jong ka histori bad ka jingdonkam ban ïada ïa ki hok jong ki trai ri trai muluk.
Haba phai sha ka dorkhas jong u snem 1985 da u Prof MN Majaw, u Bah Donbok u la ban jur ia ka jingdonkam ban pyntreikam ia ki nongrim jong ka Accord, da kaba pyndonkam ia u snem 1966 kum u snem ba pynshong nongrim bad u snem 1971 kum u snem ot kyrteng, ban weng noh ia ki briew bym dei nong shong shnong ka Ri India naka thup nongthep vote.
“Ka long kaba donkam ban bishar bniah ia ka thup nongthep vote, ban weng noh iaki nongthep vote ki bym dei nong shong shnong ka Ri India, kiba paw haka thup nongthep vote” u la ong.
Haba ai jingmut sha u CEO, ka HITO ka la kyntu ia ka jingdonkam ban shim ia ki lad ki lynti ban iada ia ka rukom jied nongmihkhmat hapoh ka Meghalaya.
Ki jingai jingmut ki kynthup ia ka jingpynduna ban pdiang iaka jingpynrung kyrteng, ym dei ban pynlong iaka Aadhaar card kum ka kot ba donkam eh ban pynshisha iaka jinglong trai nongshongshnong.
“Kane ka rukom ka lah ban pynsuk khlem da tip ia ka jingpyndonkam bakla, kaba ailad ia ki briew ki bym dei trai ri ban shah kynthup haka thup kyrteng thep Vote” u la maham.
Ka HITO ka la kyrshan ruh ban ithuh ia ki kot ki sla jong ki Dorbar shnong, ki Syiem, ki Nokma, bad ki kot ki sla jong ki kur ki jait kum ki sakhi kiba biang haka jingpynshisha lem bad ka jaka sah kaba pura.
“Kine ki kot ki sla ki ai ka jingpynshisha kaba skhem ïa ka jingïadei u briew shimet bad ka imlang sahlang” ong ka HITO.
 ka la dawa ia u Chief Electoral Officer (CEO) Dr BDR Tiwari ban bishar bniah biang ia ka Electoral Roll ka Jylla Meghalaya haba dawa ban pyntreikam ia ki nongrim jong ka Memorandum of Settlement Accords na ka bynta ban ithuh bad ban weng ia ki myndei ri ba khlem ioh jingbit na ka Electoral Roll khnang ban iada ia ki trai ri trai muluk jong ka Jylla.){kind=link}