Shillong Rymphang 06: Ka Hynniewtrep Youths’ Council (HYC) watla ka sngewsynei ïa ki longïing kiba la shah ktah na ka jingjia ha ka par tih dewiong beain ha East Jaintia Hills, hynrei ka maham ïa ka Sorkar India bad ka Sorkar Meghalaya ïa ka jingpynbna matlah bad ka jingpynbna kloi ïa ka song jingiarap khlem da pynshisha ia ka jinglong nongshongshnong.
‘Ka jingai jingiarap khlem ka jingpynshisha kam dei ka jingsngewsynei hynrei ka dei ka jing pyndonkam bakla ia ka pisa paidbah ban pynkhuid ia ka jingleh be-ain bad ban ai khusnam ia kam jyrsieh ba buhrieh” ong u President ka HYC u Bah Roy Kupar Synrem ha ka kyrwoh khubor, hynne ka sngi Thohdieng.
Ula ong, “Ka HYC ka kren shai ba ym dei ban pyllait ia ka pisa paidbah lymda la pynshisha shwa ia ki jinglong tynrai, ka jinglong nong India jong u nongkhlad noh katkum ki kot ki sla bad ki sakhi, namar katkum ka jingtip ka jong ngi, bun ki dei kiba wan buhai shnong beain bad ki nongbylla ki bym dei ki trai shnong, kiba bun na ki, ki lah ban ym dei wat ki nongshong shnong jong ka ri India. Ka jingai jingiarap khlem da pynshisha kam dei ka jingleh isynei briew kadei ka jingbym kitkhlieh ha ka liang ka jingsynshar bad ka jingpyndonkam bakla ia ka pisa paidbah”.
U Nongialam ka HYC ula ong, “Ka ex-gratia ka mut na ka bynta ki nongshong shnong kiba long ki nongshong shnong ba pura, ym ban ai buskit ne ban pynlong ain ia ka jingtih dewiong beain, ka jing wanlam nongtrei beain ne ka jingsah beain. Kano kano ka jingsiew kaba la leh khlem da pynshisha kan pynshlur ia kito kiba don bynta ha ki kam beain bad ia ki nongwan buhai shnong beain”.
Ula ong, ka HYC ka dawa ban pynshisha ïa ka jinglong trai ri jong baroh kiba la khlad noh shwa ban mynjur ïa kano kano ka jingsiew bai lutksan bad ka jingtohkit ïa ki kam runar ban ithuh ïa ki trai par dewiong, ki kontraktor, kiba don shadien jong ka jingpynbthei be-aiñ bad ïa kiba wanialam ia ki nongwan buhai shnong be-aiñ shapoh ka Jylla.
“Ka HYC ka pynpaw biang ba ka jingsngewlem kam lah ban pynduh ia ka rukom treikam kaba dei bad ka ain . Ka sorkar India bad Meghalaya ki dei ban shim ia ka jingkitkhlieh ym bas hu hun tang ban paw khubor ban pyni ba ki kylluid mynsiem.Lada Ym don jingithuh, Ym dei u Trai Ri India, ym don jingpynshisha-te ym dei ban ai ka pisa paidbah” la pynkut u President ka HYC.
 watla ka sngewsynei ïa ki longïing kiba la shah ktah na ka jingjia ha ka par tih dewiong beain ha East Jaintia Hills, hynrei ka maham ïa ka Sorkar India bad ka Sorkar Meghalaya ïa ka jingpynbna matlah bad ka jingpynbna kloi ïa ka song jingiarap khlem da pynshisha ia ka jinglong nongshongshnong.){kind=link}