Nongstoiñ, Rymphang 5: Ka Ïingkashari u Special Judge (POCSO) Nongstoiñ ka la hukum set phatok 20 snem ïa u Darling Nonglang, u ba shah ujor leh beijot ïa ka khynnah kynthei.
Une u briew ula shah kem halor ka ejahar ba la mudui ha ‘Nongstoiñ PS kiba la pynngat ia u hapoh ka Case No. 49(10)2021, hapoh ka kyndon 5(1)(n)/6 ka POCSO Act bad ka kyndon 351 jong ka BNS’.
U Superintendent of Police ka West Khasi Hills u la ïathuh ba ha ka 2 tarik Risaw 2024, ki pulit ki la ïoh ïa ka ejahar ba u Darling Nonglang u la leh ïa ka kam beijot ïa kawei ka khynnah rit. Hadien ba la ïoh pdiang ïa ka jingujor, ki pulit hapoh ka jingïalam jong u UBSI Evenezer Marbaniang jong ka Nongstoiñ Police Station, ki la sdang shait shait ïa ka jingtohkit.
Na ka liang ka Ïingbishar ha ka 11 tarik u Nohprah 2025, ka la rai pynrem ïa u Darling Nonglang bad hukum set phatok 20 snem ryngkat ka kuna kaba 50 hajar tyngka.
Ka Iingkashari kala hukum ruh ban set along sa shisnem ia u kat kum ka kyndon 351(2) BNS bad ka kun aba T.10,000.
 Nongstoiñ ka la hukum set phatok 20 snem ïa u Darling Nonglang, u ba shah ujor leh beijot ïa ka khynnah kynthei.){kind=link}