Guwahati, K’Lyngkot 31: Ki seng sain pyrthei kiba don ha ka liang pyrshah ha Assam ki la pynlong ia ka jingiakhih kaba jur ha ka janmiet sngi Thohdieng ha Chachal, Guwahati ban pyrshah ia ka Special Revision (SR) jong ka Electoral Roll ba la pynlong hapoh ka jylla.
Ki seng kiba don ha ka liang pyrshah ki la kynnoh ba la thmu ban wanrah ne pynrung ïa ki jingbym ïahap ha ka kyrteng jong ka jingpynkylla ïa ka thup kyrteng nongthep vote, kaba wanrah ïa ka jingshah pyndik jong ki nongthep vote ba shisha ha kylleng ka Assam. Kane ka jingïakhih ka long pyrshah ïa kaei kaba ki la batai ba ka dei ka “intentional and politically motivated” ïa ki thup kyrteng thep vote da ka Election Commission jong ka ri India.
Ki heh nongialam bad da ki hajar ngut ki briew na ki seng bapher bapher kiba don ha ka liang pyrshah kila ia shim bynta ha ka jingia shong kyllain mungor.Napdeng kiba la don lang ki long u president ka APCC u Gaurav Gogoi, u president ka Assam Jatiya Parishad (AJP) u Lurinjyoti Gogoi, bad ki nongialam bad ki dkhot na ki seng jong ka liang pyrshah kiba bun.
U nongialam ba rangbah jong ka seng Congress uba dei ruh u MP barim u Ripun Bora haba kren sha ki lad pathai khubor u la ong ba ka Congress ka la pyrshah ia kane ka kam Special Revision ha baroh kawei ka ri la slem bah. U la pynpaw ba kum ki trai ri trai muluk jong ka Assam, ka seng ka sngew ba ka dei ban pyrshah ia katei ka jingleh.
U Ripun Bora u la kynnoh ba ka Special Revision la pyndonkam bakla da ka BJP kaba la ialam ia ka sorkar bad la kynnoh ruh ba u myntri rangbah u Himanta Biswa Sarma u la pynkylla ia ka Election Commission kum ka atiar sain pyrthei.U la kam ba ïa ki kyrteng jong ki million ngut ki nongshong shnong India la jied ban weng noh na ka thup nongthep vote, khamtam eh ïa ki nongkyrshan jong ka Congress.
Da kaba khot ia katei ka rukom treikam kum ka “jingtuh vote”, u Bora u la kynnoh ia ka BJP ba ka pynkylla ia ki thup kyrteng ki nongthep vote ha shwa ka elekshon ban ioh jingmyntoi ha ka sain pyrthei.
Shuh shuh u la ong ba ka seng Congress kan dang ïai bteng ïa ka jingïakhih tad haduh ba ka Election Commission jong ka Ri India kan pynlong ïa ka jingpynkylla khlem shah liang bad sangeh noh ban pyndam noh ïa ki kyrteng jong ki nongshong shnong ba shisha jong ka ri India na ka electoral rolls.
 jong ka Electoral Roll ba la pynlong hapoh ka jylla.){kind=link}