Shillong, K’lyngkot 30 : Ki Pulit ka Sadar Police Station, kila ioh kem ia arngut ki briew kiba donkti ban rong tuh ia ka mobile phone na kawei ka dukan die mobile, kaba don ha Glory Plaza.
Kat kum ka jingiathuh u Superintendent of Police ka East Khasi Hills, kine ki arngut ki dei kiba la tip kyrteng u Bracely Suna bad u Underson Sumer. Ia kine ki arngut la kem na Mukhla, West Jaintia Hills.
Une u Heh Pulit u pyntip ba ha ka 29 tarik Kyllalyngkot, ki Pulit ka Sadar Police Station kila ioh pdiang ia ka ejahar ba pyntip ba arngut ki briew kila rung ha ka dukan M/s AK Enterprises, kaba don ha Glory Plaza bad rong tuh ia ka Samsung Galaxy S23 Ultra Mobile
Ia kane ka kam bymman la ioh ban ring video lyngba ki CCTV, kaba la saphriang paidbah ha ki rynsan social media.
U iathuh ba u Sub Inspector Arkwis Iawphniaw lem bad ka kynhun, kila ioh kem ia kine ki arngut na Mukhla bad ka jingtohkit mynta kala iaid shakhmat ban pynthikna la kine ki briew ki donkti ne em ha kiwei pat ki kam tuh kam thiem.
