Guwahati, K’Lyngkot 27: U Myntri Rangbah ka Assam Himanta Biswa Sarma u la ong ba shisien ba la pynlong ia ka Special Intensive Revision (SIR) jong ka thup kyrteng thep vote ha ka jylla, kumba saw haduh san lak ngut ki nongthep vote “Miya” kin shah weng noh na ka Electoral Roll.
Haba kren sha ki nongthoh khubor hadien ka prokram ha Digboi, u Sarma u la ong, “Ha kane ka kynti ngi la shim khia ban pynthikna ba ki briew kiba dei ki Miya kim lah ban thep vote, hynrei kane ka dei tang ka jingsdang, ynda la pynlong ia ka SIR ha Assam, saw haduh san lak ki vote Miya kin shah ot noh na ka Electoral Roll.”
U la bynrap, “Ai ba ka Congress kan bitar ia nga. Ka kam jong nga ka long ban pynjynjar ia ki paid Miya, lada ki paidbah Miya kim jynjar, kin sa wan rung sa sha ki jaka kum ha Duliajan bad Tinsukia.
Khyndiat sngi mynshwa, nga la ioh ia ka thup jong ki jingkhaii jaka ha Tinsukia ha kaba kham bun ki jaka la die da ki Hindu bad thied da ki Miya Muslim. Kane ka pyni ba ki la dep poi shaduh Tinsukia, Digboi bad Duliajan. Lada ngim husiar mynta, te lano?”
U Myntri Rangbah u la ban jur ba ym don ki nong Assam kiba shah ktah ha kane ka Special Revision (SR).“Ngi la pynbeit lut khnang ba ki nong Miya kin ym ioh ban thep vote ha ka por thep vote Assembly”, u la ong.
Ha shwa ka elekshon sha ka iing dorbar thawain jong ka Assam, u Sarma u la nang pynjur ia ka jingpyndik ia ki Miya Muslim bad ia ka Congress. Ha ka sngi Nyngkong, u la ong ba ki nongthep vote ki dei ban rai la ki kwah ïa ka sorkar kaba “pyndem” ne surrender ha khmat ki nongwan buhai shnong be-aiñ ne kaba ïada ïa ka jinglong kyrpang bad ka kolshor jong ka jylla.
Haba kren ha ka jingrakhe 77th Republic Day ha Dibrugarh, u Sarma u la ong ba ki briew ruh ki hap ban jied hapdeng ka mynnor kaba la paw da ki jingbthei bom, ki jingiakhih bad ka jingtieng, bad ka mynta kaba pynleit jingmut ha ka jingsuk bad ka roi ka par.
U la ong shuh shuh ba ka roi ka par jong ka Assam ka iaid shabar jong ki jingtei bad ka iadei bha bad ka jinglong jong ka jylla.U Sarma u la kdew ba ka jingwan ki briew na East Bengal ka la ktah jur ïa ka jinglong jingman jong ka Assam.
Haba ïa nujor ïa ka Khana samari jong u snem 2011 bad ka Khana samari kaba la buh ban long ha u snem 2027, u la ong ba ka bhah jong ki briew kiba wan na East Bengal ka lah ban kiew sha ka 40 percent, bad bynrap ba ki Hindu ki la dep kylla rit paid ha ki 12 tylli ki District jong ka jylla.
 jong ka thup kyrteng thep vote ha ka jylla, kumba saw haduh san lak ngut ki nongthep vote “Miya” kin shah weng noh na ka Electoral Roll.){kind=link}