Imphal, K’Lyngkot 24: Ha shwa ban rakhe ïa ka Republic Day, ki bor pahara ha Manipur ki la pynjur ïa ka jingkhynra pyrshah ïa ki kynhun lehnoh, kaba la pynlong ïa ki ban lap ïa ki tiar siat, bad ki kuli ba kiba bun bha na ki jaka bapher bapher ha ki distrik Imphal West bad Imphal East ha kine ki ar sngi ba la dep.
Ha ka 23 tarikKyllalyngkot, ki bor pahara ki la pynlong ia ka jingkhynra ha ki jaka ba marjan jong ka shnong Ngairangbam bad ka shnong Khongakhul kaba hap hapoh jong ka Patsoi Police Station ha Imphal West district.Ha kane ka jingkhynra ki shipai ka la ioh kurup ia ka suloi .303 kaba la pynkylla dur bad kaba don ia ka megazine, ka suloi kaba la shna hi ba la tip kum ka Single-Barrel Breech-Loading (SBBL), san tylli ki suloi kiba don ia ki Ki megazine, kawei ka suloi lyer ne ain gun, bad uwei u bom No. 36 uba lah ban bthei bha. Ki shipai ki la ioh ruh ban kurup 20 round ki kuli .303, kawei ka tiar ban ia kren ka Baofeng kaba don ka charger, bad kawei ka jacket bulletproof, la iathuh uwei u heh ophisar.
Ha kawei pat ka jingkhynra kata ha ka 22 tarik, ki bor pahara ki la ioh kurup ia ka jaka buh tiar ialeh bad ki kuli kiba bun bha na kjat lum Chanung Hill Range kaba hap hapoh Sagolmang Police Station ha Imphal East district.
Ki tiar kiba la ioh kurup ki kynthup ia kawei ka suloi .303 kaba don magazine, kawei ka SLR khlem magazine, 8 tylli ki suloi SBBL, kawei ka revolver, kawei ka pistol .22 kaba don magazine, bad 24 round ki kuli kiba don ki jingsiat bapher bapher.
Ki bor pahara ki la kurup ruh ia san tylli ki tiar pynbthei tube, hynriew tylli ki bom lathode, kawei ka MK-13T, bad bun tylli ki walkie-talkie Baofeng kiba don bad ki battery bad ki charger, kaba pyni ia ka jingdon jong ki kynhun kiba la pynbeit bad ba la pynkhreh bha, la ong uwei u heh pulit.
La ioh ruh ban kurup ia ki uniforms Camouflage bad kiwei kiwei ki tiar ba kynthup ia ki helmets, patlun, ki shirts, ki sweatshirts, ki belts, bad tupia kaba pyni ia ka jingpynkhreh na ka bynta ki kam pyntriem.
“Ngi la pynkhlaiñ ïa ki lad jingïada ha baroh ki jaka kiba kham don jingma ban khanglad ïa kano kano ka jingjia kaba lah ban jia.La buh ïa ki lad ki lynti kiba bun ban pynthikna ïa ka shongsuk shongsaiñ ha ka por ba rakhe ïa ka sngi Republic Day,” la bynrap biang une u heh sorkar.
