Shillong, K’Lyngkot22: Ka Meghalaya ka la sdang ïa ka Final Round jong ka Senior Men’s National Football Championship ka Santosh Trophy 2025-26 da ka jingjop ïa ka Odisha da 1-0 kol haka jingïakhun hynne ka sngi Palei ha Silapathar, Assam.
Iaka gol ka Meghalaya la thep ha ka minit kaba 23da u Babysunday Marngar.
Ka kynhunMeghalaya ba ïalam da u coach u Bah Khlain Pyrkhat Syiemlieh bad u Mebankhraw Wahlangkum u Captain ka la sdang iaka jingïakhun da ka jingsngew skhem jingmut kaba la pynbor ïa ka Odisha ban leh shibun ki jingbakla hadeng ka jinglehkai.
Ka Meghalaya kala ioh ia ka kabu nyngkong ha ka minit kaba 13 haba u Deibormame Tongper u la ïoh ïa ka bol hynrei um shym la lah pat ban thep bad haka juh ka minit u Babysunday u la pyrshang ban thep hynrei ka bol ka dei noh ha dieng goal.
Hynrei tang hadien 10 minit ka Meghalaya ka la ïoh biang ïa ka kabu bad ha kane ka khyllipmat kam shym la pynsep ei. U Apborlang Kurbah u la shut iaka bol shapoh box na ka liang ka diang hynrei uwei u nongapbak ka Odisha u la ioh pyndei da ka khlieh bad ka bol ka la leit beit sha u Deibormame uba la shut bad poi beit sha u Babysunday bad khlem ka jingpynsepei, u la ioh ban thep ia ka gol.
Ka Odisha ka la ioh katto katne ki Free-Kick hynrei kam shym la lah satia ban thep kol.
Ka Meghalaya kan iakhun biang pyrshah ïa ka Punjab ha ka sngi Saitjaiñ ha ka por 2 baje janmiet ha Dhakua khana bad ka Punjab mynta ka sngi kala rem ha ka Kerala da 3-1 kol.
