Shillong, K’lyngkot 22: Uwei u rangbah ba 43 snem ka rta, u Jogitar Japang ula shah rai pynrem da kaba set 10 snem ha phatok halor ka jingdonkti ban leh be-ijot ia kawei ka khynnah rit kaba dang don 10 snem ka rta ha u snem 2018.
Ha ka 17 tarik u Naiwieng 2018, la rejistar ia ka ejahar ha Rynjah Police Station pyrshah ia u Jogitar Japang bad pynngat ia u hapoh ki kyndon 354/354A/354AB/376(2)(f)(j) jong ka IPC bad kiwei kiwei ki kyndon jong ka POCSO Act.
Une u nongleh ia ka kam bymman ula shah kem bad la chargesheet ha ka 8 tarik u Jylliew 2020 hadien ba la pyndep ia ka jingtohkit. Ha ka jingshah tian bishar, la set ia u 3 bnai bad shi sngi ha ka Judicial Custody.
Ha ka hukum kaba la pynmih ha ka 20 tarik u Kyllalyngkot, da ka Kong MK Lyngdoh, Special Judge (POCSO), East Khasi Hills kala rai pynrem bad hukum ban ia u Jogitar Japang ban shah set 10 snem ha phatok na ka jingleh ia katei ka ka kam runar.
Ia katei ka jingtohkit la leh da ka WPSI Lily D Sangma bad mynta ka shakri ha Sadar Police Station, East Khasi Hills, Shillong.
