Shillong Nailur 21: Ka Nongrahtien Syiem jong ka ri Thailand sha India ka Pattarat Hongtong, hynne ka sngi kala pynpaw ba ka don ka lad kaba biang bha ban kyntiew iaka khaïï pateng bad ka ioh ka kot daka jingiatreilang hapdeng ka ri Thailand bad ka Meghalaya.
Ka la ong, ka ri Thailand bad ka Meghalaya ki lah ban iatreilang ha kiba bun ki liang kynthup ha ka kam jngohkai, ki jain ki nep bad ka jingshna ia ki jingbam bapher lyngba ka Food Processing.
Haba batai shaphang ka jingiakynduh ka jong ka bad u Myntri Rangbah ka jylla u Conrad Sangma ha u ïaiong mynta u snem, katei ka Nongrahtien Syiem kala ong, ba ka la pynpaw ha u Myntri Rangbah ia ki sienjam kiba la shim daka ri Thailand ban kyntiew iaka khaïï pateng bad ka thaiñ shatei lammihngi jong ka ri India.
Ka Pattarat Hongtong kala kren ia katei ha ka jingiashimbynta haka jingialang kaba la pynlong da ka Confederation of Indian Industry ha Hotel Centre Point.
