Nongstoiñ, K’lyngkot 16: Ka Anti Narcotic Task Force ka WKH, ha ka sngi Palei katba ka dang pynlong ïa ka jingïaid pahara kaba kyrpang ha ki bynta bapher bapher jong ka sor Nongstoiñ, ka la lap ïa ar ngut ki briew kiba ishan khmat ha ka thaiñ Mawlarshong, hajan ka madan New Nongstoiñ.
Kine ki arngut ki dei u Jeffery Lyngdoh Nonglait bad u Moonstar Kharbani bad ha ka jingtalasi, ka kynhun kala ioh kurup ia u heroin ba 0.99 gram bad 10 tylli ki vial na u Jeffery Lyngdoh bad na ka met u Moonstar pat la ioh ban kurup ia 0.04 gram u heroin bad u thirnia injek.
Ka kynhun kala kem noh ia kine ki arngut bad la register case pyrshah ia ki ha Nongstoin Police Station hapoh ki kyndon ka NDPS Act. Ka jingtohkit ia kine ki arngut ka dang iaid shakhmat.
