Shillong, K’Lyngkot 12: Ki pulit ka East Khasi Hills ki la pynmih ia ka jingbthah (Advisory) kaba kyntu ia ki nongshong shnong ba kin phikir halor ki Message e-challan kiba thmu ban thok iaki paidbah ba phah daki riew sinew kiba kam baka don ka jing pynkhein ain niah kali bad ba dawa ban siew kuna mardor.
Haba ia dei bad kane ka jingbthah, ki pulit ki la kyntu ia ki paidbah ba kim dei ban Click ia ki link kiba don ha ki SMS, WhatsApp, lane email kidei ki e-challan.
La kyntu iaki paidbah ba kidei ban pynshisha ia ki Challan tang lyngba ka website jong ka tnat Ministry of Road Transport & Highways website (https://parivahan.gov.in) daka ba peit ia u nongphah.
Ia ki challan ba thikna la phah na ki ID Sorkar ba la pynshisha, ym na ki Phone Number shimet, wat ju iasam ia ki OTP, CVV, PIN, Aadhaar, ki jingtip ba bniah jong ka bank, lane ki jingtip ba kyrpang, kiar ban siew lyngba ki app bad install iaki App tang naka Play Store/Apple Store.
Haba ioh ia ka Message e-challan thok, la kyrpad ia ki nongshong shnong ba kin pyndam noh (Delete) ia ka Message, wat phah iaka Message sha kiwei pat bad mardor pyntip sha ka Cyber Crime Helpline No. 1930 lane ha ka website www.cybercrime.gov.in lane shaki bor Pulit lada donkam, lane ujor shaka www.cybercrime.gov.in.
Ka jingbthah naki Pulit ka ong ruh “Ki bor Sorkar kim ju pan ne phah siew kyrkieh ne ki jingtip ba kongsan lyngba ki Random Link.”
 kaba kyntu ia ki nongshong shnong ba kin phikir halor ki Message e-challan kiba thmu ban thok iaki paidbah ba phah daki riew sinew kiba kam baka don ka jing pynkhein ain niah kali bad ba dawa ban siew kuna mardor.){kind=link}