Shillong, K’lyngkot 11 : Ka Federation of Khasi, Jaintia and Garo People (FKJGP), Garo Hills Zone, kala pynrem jur ia ka jing shah pyniap u Dilseng M Sangma, u dkhot ka seng ACHIK, ha Goalgaon, West Garo Hills District.
Ha ka kyrwoh bala pynlait ha ka sngi U Blei, u President ka FKJGP-Garo Hills Pritam Areng, ula dawa ban kem mardor ia ki briew kiba donkti bad ong “Ngi la shimkhia bha halor kane ka jingjia bad dawa ba ki briew kiba donkti ki dei ban shah kem mardor bad ai ka jingbishar ba hok nalor ban ai ka song jingiarap sha ka longiing ba shem lanot kham kloi kat kaba lah”.
Ka seng kala dawa ia ka jingtohkit kaba shai bad ka bym shah liang, haba maham ba lada don kino kino ki jingduna , yn shim ia ka kum ka jingleh bym hok ia ki paid Garo.
“Ka jingtohkit ka dei ban long kaba shai, ka bym shah liang bad ban pynthikna ba ym dei ban iaid lait khyndiat ruh ia ki kam kiba dei ban leh ha ka jingtohkit ia kane ka jingjia” ong u Areng.
Ka FKJGP kala dawa ruh ba dei ban khangdam ban kurup noh ia ka par maw kaba don bynta ha kane ka jingjia . Ka Seng kala kyntu ia ki nongshongshnong ka jaka them ba kin iatreilang bad ki bor Sorkar ha kaban ithuh bad kem ia ki briew kiba donkti.
Haba phah ia ka jingsngewlem sha ka longiing ba shem lanot, ka FKJGP ka ong “Ai ba ka mynsiem bala duh noh kan thiah ha ki kti u Blei ba donbor halor baroh bad kan shongthait ha ka jingsuk bym ju kut. To phim shem ia ka jingsuk bad ka jingpyntngen da kaba tip ba ula leit sha ka jaka sah bneng ban shongthait junom ha ki ksangkti u Blei”.
, Garo Hills Zone, kala pynrem jur ia ka jing shah pyniap u Dilseng M Sangma, u dkhot ka seng ACHIK, ha Goalgaon, West Garo Hills District.){kind=link}