Shillong, K’Lyngkot 02: Ka Refree Kong Ri-iohlang Dhar ka la shah jied biang ban don ha ka thup kyrteng ka FIFA Refereeing International na ka bynta u snem 2026.
Ia kane la pyntip da ka All India Football Federation’s (AIFF’s) Referee Department shaka Meghalaya Football Association on 31 tarik Nohprah.
Ka Kong Ri-iohlang Dhar kaba dei ka Assistant Refree haka kyrdan FIFA, kala don bynta ha bun ki jingïalehkai International ha kine ki snem bala leit.
Ka dei kaba ar na ki nong India ban long match official ha World Cup 2024, FIFA U-17 Women’s World Cup ba long ha Dominican Republic.
Ha utei u snem la ïohi ruh ba ka Kong Ri-iohlang Dhar kaba dei Pulit ka Tnad Meghalaya Police, kala shah jied kum ka official haka AFC U-17 Women’s Asian Cup ha Indonesia.
Ha u bnai Jymmang 2025 ka la shah jied kum ka Female Assistant Refree da ka AIFF na ka bynta u snem 2024-25. Nangta, ha u bnai Nohprah ka la long kawei na ki 40 ngut ki briew kiba la shah pynkup burom na ka bynta ka jingnoh synñiang jong ki sha ka phutbol ha Meghalaya ha ka jingïalang ai khusnam jong ka MFA ban sdang ïa ka jingrakhe ïa ka jingdap 50 snem jong ka Association.
