Jowai,Nohprah 18 : Ki MDC ka Voice of the People Party (VPP) kila khang tala ia ka Ophis ka Jaintia Hills Autonomous District Council (JHADC) ha ka sngi Balang, haba dawa ban siew noh ia palat 9 bnai ka tulop ba pynsahteng sha ki nongtrei ka Council.
Ia kane ka jingiakhih bala ialam da u MDC ka VPP ba kynthup ia u Bah Awhai Andrew Shullai, Jamshaphang Pohtam bad Nehimaia Lamare nalor kiwei kiwei, la pynkut noh hadien ba ka Executive Committee kala kular ban siew ia ka tulop ba shibnai.
U Deputy CEM Bah Lasky Rymbai ula pynthikna ba ia ka tulop ba shibnai yn sa pynlait noh ha ka sngi Balang hynrei u MDC ka VPP Bah Jamshaphrang Pohtam, ula maham ba ka jingiakhih kan sa bteng biang lada ym lah ban siew lut noh shen ia baroh ka tulop ba sah.
Kane ka jingiakhih kala jia hadien ba ka jingaipor ia ka EC ba ialam da u Bah Thombor Shiwat, kala kut noh ha ka 16 tarik Nohprah.
 kila khang tala ia ka Ophis ka Jaintia Hills Autonomous District Council (JHADC) ha ka sngi Balang, haba dawa ban siew noh ia palat 9 bnai ka tulop ba pynsahteng sha ki nongtrei ka Council.){kind=link}