Shillong, Nohprah 17 : U Myntri ka Tnad PHE Marcuise N Marak ula pyntip ba ka Sorkar India la khmih lynti ba kan sa pynlait ia ka song pisa jong ka Jal Jeevan Mission (JJM) ha u bnai Kyllalyngkot, hadien ka jingialang jong ki Chief Engineer na baroh ki Jylla ha Delhi.
“Ka Sorkar India kala khot ia ka jingialang, bad la batai ia nga da u Chief Engineer ba yn sa pynlait noh shen ia ka song pisa, hynrei ka dei ha u bnai Kyllalyngkot” ong u Marak haba iakren bad ki lad pathai khubor ha ka sngi Balang.
Kat kum ka jingong u Marak, katto katne ki Jylla kila iakynduh jingeh bad ki project ka JJM bad ka Sorkar India kala bthah ia ki ba kin pynbeit ia ki jingeh ba ki iakynduh hashuwa ban pynlait ia ka song pisa.
“Kiwei ki Jylla ki don shibun ki jingeh bad ka Sorkar India kala bthah ia ki ba kin pynbeit shuwa ia kine ki jingeh” ula ong.
U Marak ula pynpaw ia ka jingsngewskhem ha ka jingiaid shakhmat ki kam ha Meghalaya bad pynpaw b aka Jylla kala pyndep kumba 83% na ki kam ka JJM. “Ki kam kila iaid kat kum ka jingkhmih lynti, baroh kiei kiei kila don ha ka lynti kaba dei. Ki don katto katne ki jingduna, ia kaba ngi la pynbeit ia ki”.
U Myntri ula pynpaw ruh ba ka Jylla ka don ia ki bill ba sahteng, ba shongdor haduh T.700 klur, kaba la dep pynkhreh nadong hadong ban siew noh hadien ka jingleit jurip ka third party.
 ha u bnai Kyllalyngkot, hadien ka jingialang jong ki Chief Engineer na baroh ki Jylla ha Delhi.){kind=link}