Shillong, Nohprah 16 : Ka Iingkashari Meghalaya High Court kala shim suo motu case halor ka jingkyrduh um ba dang iaid mynta ha Shillong, haba bthah ia ka Sorkar Jylla ba kan aiti ia ka kaiphod halor kane ka kam lashai ka sngi.
Ha ka hukum ba pynmih ha ka sngi Ba-ar, ka Division Bench ba kynthup ia u Chief Justice Soumen Sen bad Justice HS Thangkhiew, kala bthah ba ia kane ka kam ban register kum ka Public Interest Litigation (PIL) haba pynpaw ia ka jingsngewkhia halor ki jingeh bala iakynduh daki paidbah ka Shillong namar kane ka jingkyrduh um.
U Advocate General ula ai ka jingkular ia ka Iingkashari ba un sa khmih ia kane ka kam bad ban sa aiti ia ka kaiphod lashai ka sngi.
Ka jingkyrduh um ha Shillong kala iaid la katto katne por, ha kaba ki nongshongshnong kila mad ia ka jingeh kaba khraw na ka jingduna ban ioh um.
Ka Tnad Public Health Engineering (PHE) kala pynjlan biang ia ka hukum pynduh um ba saw sngi sa lai sngi, kaba la buh ia kiba bun ki jaka Sor ha ka jingeh kaba khraw.
Ka Iingkashari kala bthah ban buh shong bishar biang ia kane ka kam lashai ka sngi ka 17 tarik Nohprah, haba pynpaw ia ka jingdonkam kyrkieh ban pynbeit ia kane ka jingeh.
