Shillong, Nohprah 16 : U Nongialam ka National People’s Party (NPP) bad Symbud Myntri Rangbah Bah Sniawbhalang Dhar ula pynpaw ia ka jinglong ba kloi ban pdiang ia ka jingwan pyniasoh u Dr Mukul Sangma sha ka NPP bad ong “Ngan dei u briew uba kmen tam lada u wan sha ngi”.
U bah Sniawbha ula pynpaw ia kane haba kylli halor ka jinglah ban wan pyniasoh u Dr Mukul haba pynpaw pat ba ka “dang kloi palat ban kynthoh” naba ka dang don sa arsnem shiteng ban leit sha ka elekshon.
Halor ka jingkren ba dang shen u Dr Mukul Sangma haba mih ka jingdawa weng ia u Bah Sniawbha bad Bah Prestone Tynsong na ka kynhun Myntri ha ka por ka Sorkar Congress, u Bah Sniawbha ula jied ban burom ia une u nongialam bala rangbah.
“Nga burom ia u Mukul Sangma, u dei u nongialam ba radbah bad bala rim bha…Ngam kwah ban kren ia kaei kaba la leit” ula ong haba pynpaw “Nga long paralok bad u bad u long paralok bad nga”.
 bad Symbud Myntri Rangbah Bah Sniawbhalang Dhar ula pynpaw ia ka jinglong ba kloi ban pdiang ia ka jingwan pyniasoh u Dr Mukul Sangma sha ka NPP bad ong “Ngan dei u briew uba kmen tam lada u wan sha ngi”.){kind=link}