Guwahati, Nohprah 5: Ka Coordination Committee of Tribal Organisations of Assam (CCTOA), kba kynthup ia ki 20 tylli ki kynhun riewlum kiba dei ki Scheduled Tribe (ST), ha ka sngi Palei kila aiti ia ka “interim objections and suggestions” ne ka jingpyrshah ba shipor ha ryngkat bad ka jingai jingmut sha ka sorkar jylla, da kaba pynpaw ia ka jingpyrshah kaba jur ia kano kano ka jingtyrwa kaba lah ban pynduh pyndam na ka jingiada jong ka riti synshar ia kaba ki ST na ka jylla Assam ki ioh.
Na ka liang jong ka kynhun kala dawa da ka tripartite meeting ne ka jingialang ka don lai liang ba kynthup ia ka sorkar jylla bad u Union Home Minister u Amit Shah ha ka por ban rah ia ki jingiakren shakhmat.
Ki jingai jingmut jong ki, kala wan ha ka por ba ka Group of Ministers (GoM) dang shen ka la wanrah ia ka kaiphod ba shipor hapoh ka iing dorbar kaba la ai jingmut ban ai kyrdan ST ia ki hynriew tylli ki jaidbynriew — Ahom, Chutia, Moran, Matak, Koch-Rajbongshi bad Tea Tribes (Adivasi).
Ka CCTOA ka la long ba ha khmat eh ha ki jingïakhih ha ka jylla baroh kawei pyrshah ïa ka kaiphod jong ka GoM, da kaba kynthoh ba ka jingpynrung ïa ki hynriew tylli ki jaitbynriew ha ka thup ST kan ktah jur ïa ka hok bad jingmyntoi jong ka jingbuh kyrpang jong ki kynhun ST kiba la don lypa. Ka jingpynrem ka la pynlong ia ka GoM ban sdang ia ka jingiakren bad katei ka seng.
“Ngi la pynsngew ia ka jingsngew khia ka jong ngi ban pyntikna ba ka jingmyntoi jong ki jaitbynriew ST kiba la don lypa kin ym shah ktah.Ngi la pan ïa ki jingpynkylla ha ka kaiphod ba shipor” ong u nongïalam ka CCTOA u Aditya Khaklary haba ïakren bad ki lad pathai khubor.
Shuh shuh u la bynrap ruh ba ka committee ka la kwah ban don ka jingialang bad u Myntri Rangbah ka jylla u Himanta Biswa Sarma na ka bynta ka sienjam kaba bud, ban bud pat sa ka jingïakren kaba lai liang bad ka sorkar jylla bad u Myntri kam pohïing ka sorkar pdeng.
U Khaklary u la kdew, katba ka Assam ka pynbynta ïa ki jaitbynriew jong ka kum ki ST (Plains) bad ST (Hills), baroh ar ki don hapoh kawei ka kyrdan ST ha ka kyrdan pdeng. “Lada pynrung ia ka kyrdan ST (V) ha ka jylla, ma ki ruh ha kaba kut kin hap hapoh kajuh ka ST pool jong ka ri hi baroh kawei”, u la ong.
, kba kynthup ia ki 20 tylli ki kynhun riewlum kiba dei ki Scheduled Tribe (ST), ha ka sngi Palei kila aiti ia ka “interim objections and suggestions” ne ka jingpyrshah ba shipor ha ryngkat bad ka jingai jingmut sha ka sorkar jylla, da kaba pynpaw ia ka jingpyrshah kaba jur ia kano kano ka jingtyrwa kaba lah ban pynduh pyndam na ka jingiada jong ka riti synshar ia kaba ki ST na ka jylla Assam ki ioh.){kind=link}