Shillong, Naiwieng 30 : Ka Sorkar Meghalaya kala pynlait paidbah ia ka Standard Operating Procedure (SOP) ba pyrrkhing ban tah it-iong, pynpah siren, buh light saw bad name plate ha ki kali Sorkar.
Kat kum ka SOP, tang ki kali ki heh Sorkar ba hap ha ka kyrdan ‘Z-Plud’ bad ‘Z’ bala ai jingmut da ka Committee ka Sorkar,ki lah ban tah it-iong namar ki lad jingiada ia ki.
Ia ki siren lah ban pyndonkam tang ki Pulit, Emergency Services, bad ki kali ki VVIP/VIP.
Ka jingpyndonkam ia ki ligh saw halor ka kali la khang pyrshah kat kum ka jingpynbna bala pynmih da ka Tnad Transport.
Ka SOP ka kdew ruh ia ki rules ban buh ia ki name plate ha ki kali bad ki nar sieh lama (flag rods) na ka bynta ka lama ka ri.
Kat kum ka paragraph 3.44 jong ka Flag Code of India 2002 (kumba la pynkylla), kine harum ki heh ki hain ki dei kiba la shah ban wah ia ki Lama ka Ri ha ki kali jong ki :-
Kine ki kynthup ia ka President, Vice President, ki Governor bad Lieutenant Governor, Head of Mission/Posts, Myntri Rangbah Duh, ki Myntri Sorkar, ki Myntri Khynnah, Myntri Rangbah ki Jylla bad ki Myntri ki Sorkar Jylla, u Speaker ka Lok Sabha, Chairman ka Legislative Council ha ki Jylla, Speaker ki Legislative Assembly ha ki Jylla, Dy Chairman ki Legislative Council ha ki Jylla, Deputy Speaker ki Legislative Assembly ki Jylla, Chief Justice of India, Judge ka Supreme Court, Chief Justice ki High Court bad ki Judhe ki High Court.
“Kane ka SOP ka dei ban pyntreikam ha ka jingpyndonkam ia ki kali ka Sorkar Meghalaya haba trei iaki kam ka Sorkar, lait noh ki kali emegrgency kumba la batai hapoh ka Motor Vehicle Act, 1988 (kumba la pynkylla). Kane ka OM kan treikam noh mar mar” ong u Commissioner & Secretary Bah CVD Diengdoh.
Kane ka SOP ka dei ruh kat kum ka jingpyntreikam ia ka hukum ka Iingkashari Supreme Curt bad ka Motor Vehicle Act, 1988.
 ba pyrrkhing ban tah it-iong, pynpah siren, buh light saw bad name plate ha ki kali Sorkar.){kind=link}