Shillong, Naiwieng 25 : Ka Sorkar Jylla kala kyrpad ia ka Sorkar Pdeng ba kan pynkylla iaki kyndon ka National Council for Teacher Education (NCTE) hadien ka jingia pyrshah pyrshah ia ka hukum ka Iingkashari Supreme Court kaba pynlong kongsan ia ka Teacher Eligibility Test (TET) ia baroh ki nonghikai bala don ha ka kam, kam pher ia ka jingdon slem jong ki ha ka kam.
“Ngi la dep bthah ia u Advocate General ba un file ia ka review petition ne ka mudui ban shong bishar biang (pyrshah ia ka hukum ka SC) bad kaba kham kongsan ka long ba ngi la pyrshang ban pynsngewthuh ia ka Sorkar Pdeng ba kan pynkylla ia ki kyndon ka NCTE khnang ba kan nym ktah ia kaei kaba la dep shadien hynrei ba kan treikam tad hadien ka jingwan ka RTE” ong u Myntri ka tnad Pule Puthi Bah Lahkmen Rymbui haba iakren bad ki nongthoh khubor ha ka sngi Ba-ar.
Halor ka jingleit ki Nonghikai na Jylla ban iasnohkti ha ka jingiakhih ha Delhi, u Bah Rymbui ula pynpaw ba um don jingtip satia ia kane bad ba ka jingleit iashimbynta ka dei kaba la rai da ki seng jong ki nonghikai hi.
Ula ban jur ia ka jingpyrshang jong ka Sorkar ban iada ia ka jingshakri ki nonghikai bad ong “Ka Sorkar kala pyrshang katba lah ban peit ba ki hukum bala pynmih da kino kino ki bor kiba ktah ia ka jingshakri jong ki nonghikai, kim dei ban long kiba treikam ia ki snem bala leit noh hynrei ban long ia ki snem ba shakhmat”.
“Haba ong ia kata, ia mynta ka hukum jong ka Iingkashari Supreme Court, kaba buh ba ka TET ka long ka kyndon ba longsan, kane kala ieng” ong u Bah Rymbui haba pynbna ba ka Sorkar kan hap ban iaid kat kum ka hukum ka Iingkashari.
Haba kylli halor ka jingiaid ki kam ba iadei bad ka jingmudui, u Bah Rymbui ula ong “Ngi la dep ba rai bad u AG u dang pynkhreh ia ka. Ki jingpynkhreh ia ki kot ki sla kila iaid shakhmat”.
“U AG lehse ula dep ban mudui hynrei nga khlem pat kylli ia u hynrei ia ka rai hi la dep ban shim bad ki jingbthah lah dep ban ai (ban mudui ia ka hukum ka SC)” ula pynpaw.
 hadien ka jingia pyrshah pyrshah ia ka hukum ka Iingkashari Supreme Court kaba pynlong kongsan ia ka Teacher Eligibility Test (TET) ia baroh ki nonghikai bala don ha ka kam, kam pher ia ka jingdon slem jong ki ha ka kam.){kind=link}