Shillong, Naiwieng 24 : Ka jingtwa khyndew kaba shyrkhei kala jia ha ka thain Laitlyngkot-Lyngkyrdem jong ka surok Shillong-Dawki, hajan ka shnong Pomlum hynne ka sngi Nyngkong, kaba la jia na ka jingpyntrei ia ka surok.
Ki borkhmih kila hiar sha kane ka jaka ban pynkhuid ia ka khyndew, hynrei ka jingiaid lynti kaba shngain ka lah ban nang shimpor sa katto katne por, ong u Addl Deputy Commissioner, Pynursla Bah EL Warjri.
U ADC ula kyntu ia baroh ki nongleit nongwan ba kin long kiba iai shah bad iatreilang bad ki borkhmih namar ka jingpyrshang kala iaid shakhmat ban pynkhuid ia ka khyndew kham kloi kat kaba lah.
