Shillong, Naiwieng 21 : Ka Meghalaya State Information Commission ha ka sngi Thohdieng, kala pyllait sa ia kawei pat ka kot ai jingtip bala ai kyrteng “Duties and Responsibility of the Applicant under the Right to Information Act, 2005” na ka kamram bad ka jingbahkhlieh jong ki nongpan jingtip hapoh ka RTI Act, 2005.
Ia kane ka kot la pyllait da ka jingthmu ban nang pynkhlain shuh shuh ia ka jingpyrshang ban pynshemphang bad pynsngewthuh ia ki paidbah bad ki kynhun bapher bapher halor ki kyndon treikam ka RTI.
Ia kane ka kot la pyllait da ka Chief Information Commissioner Kong RV Suchiang bad ka Information Commissioner Kong Ripnar Lyngdoh ha ka jingialang ba lyngkot hapoh ka Ophis treikam ka Commission.
Ia kane ka booklet la thep ruh mynta ha ka website jong ka Meghalaya State Information Commission: https://megsic.gov.in/
