Shillong, Naiwieng 20 : Ka kynhun ba lai ngut ka Khasi Hills Autonomous District Council (KHADC) ha ka sngi Balang, kala kyrpad ia ka jingtuklar lang jong ka Myntri Pla Tyngka ka Ri Nirmala Sitharaman ban pynsted noh ha ka jingpynlait ia ka song pisa jongka 15th Finance Commission bad ai ka jingiarap ba kyrpang sha ki kam pynroi bapher bapher ha ri-lum Khasi.
Ia kane ka kynhun la ialam da u Executive Member (EM) ba khmih ia ka Land Bah Powell Sohkhlet, u EM ka tnad Finance Bah Seiborlang Warbah bad u MLA ba shu sieh Bah Mathew Makdoh.
U Bah Sohkhlet ula ong ba ka jingialang kala pynleit jingmut halor ka jingpynlait sted noh ia ka song pisa jong ka 15h Finance Commission, kaba iaid lyngba ka Ministry of Panchayati Raj.
“Ka jingialang bad ka Myntri Pla Tyngka ka Ri ka long kaba seisoh.Kala bthah ia ki Ophisar ba dei khmih ba kin buddien ia baroh ki lad ki lytnti ban pynlait ia ka song pisa kaba sah jong ka 15th Finance Commission” ula ong.
“Ka Council kala kyrpad ia ka Myntri ba kan ai ia ka song jingiarap ba kyrpang na ka bynta ki project ha ki jaka ki riewlum, kiba long kongsan na ka bynta ka jingkiew shaphrang ki briew jong ngi” pyntip u Bah Sohkhlet.
Ha ka sngi Ba-ar, ka kynbun kala iakynduh ruh ia u Joint Secretary bad ki Ophisar ka Ministry of Panchayati Raj, kiba khmih ia ka jingpyntreikam ia ki project bala mang hapoh ka 15th Finance Commission.
 ha ka sngi Balang, kala kyrpad ia ka jingtuklar lang jong ka Myntri Pla Tyngka ka Ri Nirmala Sitharaman ban pynsted noh ha ka jingpynlait ia ka song pisa jongka 15th Finance Commission bad ai ka jingiarap ba kyrpang sha ki kam pynroi bapher bapher ha ri-lum Khasi.){kind=link}