Guwahati, Naiwieng 15: U Union Minister ba dei peit ia ka tnad Ports, Shipping bad ka Waterways Sarbananda Sonowal ha ka sngi Saitjain u la aiti ia ki khusnam ‘Sons of the Soil Emerging Achievers Award’ sha ki sa ngut ki riew shimet na Assam ha 5th Biennial Son of the Soil Awards Assam 2025, ba la pynlong da ka Care Luit ha Tezpur.
Ka jinglehkmen ka la rakhe ïa ka jingkiew jong ka sap ka phong jong ka Assam ha ki bynta bapher bapher, kaba pynpaw ïa ka jingnoh synñiang ka jylla kaba nang kiew ha ka roi ka par jong ka ri India.
Mynta u snem, kiba ioh ia kane ka khusnam ki long ka Sukrita Baruah (Media & Communication), Sanghamitra Kalita (Entrepreneurship), Isharani Baruah (Sports), Himjyoti Talukdar (Art & Culture) bad Dr. Debjani Borah (Conservation).
Haba kren ha kane ka lympung, u Sonowal u la ong ba kane ka awards ka pyni ia ka jingangnud bad ka bor jong ki khun samla ka jylla Assam. “Ka jingthrang ha ka mysiem bad ka jinglah ka pynpaw shai na ka bynta ki briew jong ka Assam. Kine ki samla kiba la ioh pdiang ia kane ka khusnam ki mih khmat ia ka pateng ka ban kiew shaphrang na ka bynta ban tei ia ka jylla bad ia ka ri ruh kumjuh,” u la ong.
Haba kyntu ia ki khun samla jong ka Assam bad jong ka Northeast ba kin ioh ia kum ka jngioh mynsiem na kine kiba la ioh pdiang ia kine ki khusnam, u Sonowal u la kdew, “Uwei pa uwei na ki nongïoh khusnam mynta u la pyni ïa kaei kaba lah ban long haba uwei u ngeit ha ki jingangnud jong u bad u trei shitom. Ai ba ki jingjop jong ki kin pynmih ïa ka jingkyrmen bad jingkyrmen katba ngi dang tei ïa ka imlang sahlang kaba khlaiñ bad kaba lah ban shaniah ha lade.”
