Shillong, Naiwieng 13 : Ka National Investigation Agency (NIA) ha ka sngi Balang kala pynlong ia ka jingkhynra ha kylleng ki jaka ka Jylla Meghalaya bad Tripura kum shibynta na ki jingkhynra bala pynlong ha kylleng ka Ri hadien ba paw pyrthei ka jingsuhbuit ka Al-Qaida ban pyntriem ha Gujarat, kaba donkti lang ki nong Bangladesh ba rung beain.
Kat kum ka khubor, ka kynhun ka NIA kala leit khynra ia ki Iing jong ki briew ba ka suba lem bad ki paralok jong ki, ha ki 10 tylli ki jaka ha ki san tylli ki Jylla-ka Meghalaya, West Bengal, Tripura, Haryana bad Gujarat. Ka kynhun kala ioh kurup ia ki kor digital bad ki kot ki slab a kongsan ha kane ka jingkhynra bad la phah ia ki ban tohkit forensic.
Ka case (RC-19/2023/NIA/DLI) ka dei kaba la register ha u bnai Jylliew 2023 hapoh ka kyndon jong ka UA(P) Act, IPC bad ka the Foreigners Act.
Ki jingtohkit kila shem ba saw ngut ki nong Bangladesh— Mohd. Sojibmiyan, Munna Khalid Ansari @ Munna Khan, Azarul Islam @ Jahangir @ Aakash Khan, bad Abdul Latif @ Mominul Ansari — kila wan rung sha India da kaba pyndonkam ia ki kot ki sla thok bad ki dei kiba don jingiadei bad ka Al-Qaida.
Ki dei ruh kiba la kynnoh ba ki pyniaid ia ka pisa jong ki ehrang ka Al-Qaida ha Bangladesh bad pyrshang ban pynngop ia ki samla muslim ha India ba kin iasoh sha ka Al-Qaida.
Ka NIA shuwa kane, kala file chargesheet pyrshah ia san ngut ki briew ha ka 10 tarik Naiwieng 2023 hapoh ka NIA Special Court ha Ahmedabad.
 ha ka sngi Balang kala pynlong ia ka jingkhynra ha kylleng ki jaka ka Jylla Meghalaya bad Tripura kum shibynta na ki jingkhynra bala pynlong ha kylleng ka Ri hadien ba paw pyrthei ka jingsuhbuit ka Al-Qaida ban pyntriem ha Gujarat, kaba donkti lang ki nong Bangladesh ba rung beain.){kind=link}