Shillong, Risaw 28: Ka 49th Hundred Drums Wangala Festival Wangala jong ki jaidbynriew Garo kan long naduh ka 5 haduh 8 tarik Naiwieng ha Wangala A.dam, Chibragre, hajan Goeragre Tura.
Iaka tamasa Wangala la pynlong da ka Hundred Drums Wangala Festival Committee (HDWFC) ha ryngkat ka jingkyrshan na ka Sorkar Jylla.
Ha kane ka tamasa kin don shiphew tylli ki kynhun shad kiba ïakhun ban ïoh ïa ka nam ba Khynsai tam bad kin don ruh ki nongiashim bynta ban shad kynthup ki samla.
Ha kane ka sngi yn wan shim bynta lang ruh da u Lat ka Jylla u CH Vijayashankar bad u Myntri Rangbah ka Jylla u Conrad K Sangma bad 2 ngut ki Myntri Sorkar Pdeng.
Ka jingpynkhreh iaka rynsan ka dang iaid shakhmat khnang ban lah ban khring ia palat hajar ngut ki nongwan peit kai.
Ha kane ka tamasa yn kynthup ïa ki jingpyni nam kum ka Rhythm of 100 Drums, ki jingïakop rwai tynrai, ka jingïakop shet jingbam bad ki jingïalehkai tynrai.
Haka sngi kut kata haka 8 tarik Naiwieng kan don ka jingpyni byrngia daki jingrwai tynrai ha ryngkat bad ki jingtem ksing, ki gong, ki turoi, bad ki tang bisli.
Ia kane ka tamasa yn pynkut da ki jingtem naki kynhun bapher bapher kiba pawnam jong ka thain.
Ka tamasa Wangala ka dei ka jinglehkmen kaba kongsan ha ka kolshor, kaba pynpaw ïa ka jingïatylli, ka jingngeit, bad ka mynsiem lehkmen jong ki jaidbynriew Garo.
