Shillong, Risaw 18 : Ki Pulit ka Ri-Bhoi District kila rah tohkit ia 6 ngut ki briew halor ka jingbuh bomb Improvised Explosive Device (IED) ha ka 11 tarik Risaw, ha phyllaw iing ba dei trai da u MLA barim Bah Nehlang Lyngdoh, marjan bad ka Meghalaya Rural Bank.
Ia kane la pyntip da u Symbud Myntri Rangbah ka Jylla ba khmih ia ka kam Pohiing (Police) Bah Prestone Tynsong, uba la iathuh ba kin dang don shuh ki briew ba ki Pulit kin rah ban tohkit.
Kat kum ka jingong jong u, ka jingtohkit mynta ia kine ki briew kala iaid shaid shaid.
Lah ba kdew hangne, ka seng kiengatiar Hynniewtrep National Liberation Council (HNLC) kala kem trai ia ka jingdonkti ban buh ia une u bomb IED.
U General Secretary ka HNLC Bah Sainkupar Nongtraw ula ong ba kane ka kam ka dei kaba leh kum ka “dak ka jingpyrshah” pyrshah ia ka jingiai bteng ban shet kylla ia ka Jaidbynriew da ki riewsainpyrthei bamsap bad ki nongkhaii hehspah kiba ai jaka sah bad pynkupbor ia ki bar jylla.
Halor kane, u Symbud Myntri Rangbah ula ong ba ka HNLC ka dei ban pynshai ia kaei kata kaba la iapein bad kita ki riew sain pyrthei bamsap haba kynthoh ba ki riew sain pyrthei ne nongmihkhmat paidbah ki dei kiba lah jied da ki paidbah bad kiba ki paidbah ki shaniah haba ki don ha ki jingeh.
 ha ka 11 tarik Risaw, ha phyllaw iing ba dei trai da u MLA barim Bah Nehlang Lyngdoh, marjan bad ka Meghalaya Rural Bank.){kind=link}