Shillong Risaw 17: Ka Chief Minister’s Youth Engagement Programme (CM-YEP) 2025 kaba la pynwandur thymmai, kala pynkhreh ban pynlong ia ka rynsan ban sei ia ki sap jong ki khynnah bad ki samla ha ki 56 tylli ki Block bad kawei ka Administrative Headquarter.
Hapoh jong ka phangpdeng “Empower Youth – Empower Meghalaya,” kane ka sienjam kadei kaba la sdang ha ki 2 tylli ki Block bad shen kan sa poi sha baroh 56 tylli ki Block ba don ha kylleng jong ka jylla kaban lum ban lang ia ka jingwan iashimbynta ki khynnah bad samla ban rakhe ia ka jingleh ia kiei kiei kiba thymmai, ka kolshor bad ka mynsiem ia imlang sahlang.
Ka CM-YEP kadei ka prokram jong ka Sorkar Meghalaya kaba la pynwandur ban saindur ia ka jingleh kaba thymmai ha kaba iadei bad ka science & technology, arts & crafts bad ka jingsngew sarong ka jylla ha kaba iadei bad ka riti dustur tynrai.
Da kaba pynleit jingmut ha kaban kyntiew ia ki samla bad kane ka prokram ka thmu ban pyniasoh ia ka bor jong ki samla ban lam sha ka jingthaw bad ka jingleh ia ki kam kiba don jingmut. Kane ka prokram kan ailad ruh ia ki samla ia ki rynsan ki bapher ban pynpaw ne pyni ialade ha ki jingiakob shimet bad jingiakob kum ka kynhun kaba kynthup ia ka jingthoh poitri, jingthoh ia ki jingiathuhkhana, jingdro dur, jingtem ia ki guitar, ki jingrwai bad jingshad tynrai, ka jingleh ia kino kino ki kam kiba thymmai ha kaba iadei bad ka science & technology bad ka jingiakob kyntip.
“Kane kadei ka rynsan kaba khraw na ka bynta ki samla kaban ailad ia ki ban ioh ia ka kabu ban pyni iala ka sap ka phong. Kane ka plie lad ruh ia ki pyniaid shaphrang iaka bor ka jongki ha ka lynti kaba dei. Kan ai ruh ia ki samla ia ka lad ba kin pyninam, ban ioh ia ka jingshemphang bad ban trei shitom ha ka jingpule ka jongki” ong u Director of Sports and Youth Affairs u DD Shira.
Ka District Sports Offices bad Block Development Officers kin iatreilang ha ka jingpynlong ia kitei ki prokram.
Ka Block-Level Youth Fests kadei kaba la dep pynlong ha Jirang Block bad Zikzak Block, ha kaba la pynlong ia ki jingiakob bapher bad ban pyninam ia ka jingtbit ha kaba iadei bad ka lain Science. Ki nongjop na kine ki Block kin ioh rung ha ki jingiakob ha ka district-level kaban long ha u Naiwieng bad hadien kane un sa pynlong ia ka State-Level Youth Fest ha u bnai Nohprah 2025.
Ka Department of Sports & Youth Affairs kala kyntu ia ki khynnah bad samla kiba don ha kylleng kane ka jylla ban iashimbynta shit rhem ha ka CM-YEP.
Ia ki phom lah ban ioh na ka ophis jong u Block Development Officers bad District Sports Officers.
 2025 kaba la pynwandur thymmai, kala pynkhreh ban pynlong ia ka rynsan ban sei ia ki sap jong ki khynnah bad ki samla ha ki 56 tylli ki Block bad kawei ka Administrative Headquarter.){kind=link}