Shillong, Risaw 15 : Ka Kynhun Myntri ka Sorkar Jylla ha ka sngi Balang, kala ai jingmynjur ia ka Technical Funancial & Social Service Rules na ka bynta ki jaka Municipal ha Jylla Meghalaya.
Kine ki rules ki dei shibynta jong ka jingpyrshang ka Sorkar ban pynkhlain ia ka synshar khadar ki Municipal bad ki long ruh kat kum ka jingbthah bad jingai jingmut jong ka Sorkar India, ong u Myntri Rangbah ka Jylla Conrad K Sangma hadien ba dep pyniaid ia ka jingialang.
Ka Kynhun Myntri kala mynjur ruh ia ka amendment jong ka Meghalaya Building Byelaws.
Kat kum ka jingong u Conrad, kane ka amendment ka thmu ban pynjanai ia ka rukom pyndonkam ia ki jaka, pynbeit ryntih ia ki rukom treikam ha ka jingai jingbit bad kiwei kiwei.
Ka Kynhun Myntri kala mynjur ruh ia ka amendment jong ka Meghalaya Health Service Rules.
