Shillong, Risaw 15 : U Myntri Rangbah ka Jylla Conrad K Sangma ha ka sngi Balang ula ong ba ka elekshon ban wan ha Assam ka lah ban nang pynslem ia ka jingiakren ban pynbeit noh ia ka jingiakajia pud ha ki hynriew tylli ki jaka ba dang sah.
Kat kum ka jingong jong u, ka Sorkar ka lah ban hap ap tad hadien ka elekshon ban pyntyllun shakhmat ia ka jingiakren.
“Ki don bun ki khep, ngi la iakynduh shisien lano, ngi la iakren shisien lano, hynrei ka por elekshon ka dei ka por ba iabun kam bha” ong u Conrad haba iakren bad ki nongthoh khubor.
“Kumba ka paw, hooid, ngi lah ban nym lah pyniaid shakhmat ia ka jingiakren ia mynta, kumta lehse ngi hap ban ap haduh ban da kut ka elekshon ha Assam” ong u CM.
